學習Say no!? 我諗如果要我講一個自己既缺點就係唔識say no!我諗已經有好多人講過唔識say no既人永遠都係最蝕底，係某種程度上亦可以話係蠢。如果學識say no,我既人生會有咩改變呢? 我相信每個人身邊都總有一兩個令你感覺煩惱既人,先唔好講身邊,街上面各種形式既sales,籌款大使 ... 多不勝數,梗有一個係你左近。而我都講左啦 ... 永遠唔識say no!小妹試過最變態既一次可以係街上面同籌款既人傾左成2-3粒鐘。抱住一個既想走又唔好意思既態度,大家打份工,你做得咁專業,七情上面,我唔聽咁唔比面?呢個只不過係我自己代入左佢既角色既想法。又有一次有位sale保險既大姐sale左我足足個幾鐘,幫我plan哂日後既儲蓄計劃,講好多幻想既畫面比我聽!(我想係到重申一下,我係唔識say no姐!但我絕對有個人思想。)後來我就好唔忍心佢白講左一論就幫佢簽左份單!連訂都比埋,當然呢家野有冷靜期嫁嘛,我梗係走去cut左佢拎反啲錢啦 ... 而身邊最令我煩惱既就係問我借錢既人,又係衰個味,唔識say no。好啲既時候咪會有借有還囉,但係我絕對可以話你知 ... 移家好多爛帳係身。唯有安慰自己當儲錢囉,會還既。俗語話齋「話你ON9驚你嬲」,我同十個人講我有咁既經歷佢地都會咁回敬我。可能我好脫離移家既社會,當大家匆匆忙忙係呢個香港生活既時候,我好中意用第三者角度去觀察任何人,自己都身處係匆忙既環境,但我個腦永遠同個身體唔協調。當我係唔識say no既同時,我去觀察緊個個人既態度,唔知點解覺得好有趣,自己講反都覺得變態。其實用係工作上我呢種人永遠唔識say no 係老闆既福份,可惜飛黃騰達一定唔會係呢種人。 現階段我都仲學習緊點去say no!比起以前已經有好大既進步...其實我唔識say no都係因為太在意人地既想法姐,曾經因為咁樣而搞到自己朋友都唔敢約,驚一陣我唔想做/唔想去既時候,把口又講左「好呀」。係呢個社會永遠唔起眼既我 ... 你地又係咪呢?會唔會有人比我更加嚴重?
