偶像?! 唔知身邊既你偶像對你泥講係乜?祟拜..學習..模仿..欣賞?其實任何人都可以係某人既偶像! 最近因為工作關係生活係一個地獄跳反上人間,開始留意身邊既時事、人物。而且最近超級迷戀聽網台。就係咁既機緣巧合之下開始聽左一個罪案既節目。開始聽既初期只不過係因為出於興趣,後來發現呢一個節目既主持人同我既觀點好接近,慢慢地不知不覺已經由聽節目既內容重點變到開始喜歡聽佢講既人生哲理。突然就諗起自己以前崇拜偶像既心情。 我想問下大家年輕既時候甚至現在有冇試過好瘋狂咁追星?我承應我係有既...諗反轉頭其實係咩心態呢?係當年咁既狀態既我話反比今天的我知個陣時既我心入面有種盼望,我期待住自己會有機會接觸到呢一個我喜歡崇拜既人,心諗唔知你會唔會係茫茫人海入面見到我呢?萬一我有幸同你認識我地既將來又會係點呢?今天的我只能一笑置之,好慶幸人係某啲時候時間係會沖淡一切熱情,今日我再望望當年既偶像雖然依然覺得完美,但可能因為我心入面對呢個人既保養期已經過左,移家對我而言已經唔再新鮮。 細細個聽人地丫媽成日講「追星追星..追咩星丫..追到矇唒..咪又係人一個」。我想話鬼唔知丫媽係女人?!對我而言追星同談戀愛道理上差唔多,都係失哂理智!無論你點去按住呢一份感情同自己講「喂!你唔好咁投入去一個你觸摸唔到既人身上啦,不如認認真真去搵個人拖下手仔,錫下嘴仔..唔係仲快樂咩?」我發現係完完唔Work既方法!如同失戀你好愛佢個刻就只會覺得無左佢唔得,成個世界就只得佢一個男人/女人。我諗每個人都應該試過失戀,但你移家咪又可以拖住另一件快快樂樂咁生活!當然啦烙印呢家野一定會有既,我唔否認。 最近諗緊一樣野,當你既偶像同你有互動既時候會唔會比起你自己既憑空想像更加痛苦?偶然有個機會係某個平台能夠同佢談笑風生,係佢既活動場地上面有緣見面寒暄幾句。人始終係貪心,當你擁有過你會想去擁有更多再進一步。萬一發現對你既偶像而言,你只不過係一個支持佢既人,係佢身邊擦過偶爾感謝你對佢既支持,你對佢做既野無論係禮物鮮花..無限支持既語句,對佢泥講可能聽日就會忘記得一乾二淨。當你仲期望緊佢會對你有回應既時候,佢已經重新出發,繼續自己發展既道路。我唔會去否認一啲我眼見既死忠fans,係會去到某一個位置可以同你既偶像做到朋友。例子有幾多......自己諗!其實做到朋友之後既事又未必會係你幻想時候既畫面。 可遠觀而不可褻玩焉呢種態度去面對你唔認識既偶像會唔會好啲呢?我自己都唔知,始終每個人處事既態度都唔一樣。我最怕去打擾人地既生活,我承認自己係一個唔進取既人,面皮薄到不得之了。得不到的葡萄是酸的,從來到冇想去得到佢咪冇事囉。其實我只係想帶出一個結論,偶像任何人都可以係!你係!我又係!所有事物都唔好過份沉迷,有時比自己太多幻想,只係會傷害到你自己!
