究竟大板燒係咪來自於大板,我就不得而知啦.. 香港有間食大板燒好食到街知巷聞,我就知道喺邊 就係喺觀塘既一杯鐵板燒居酒屋 環境:8/10 (環境大,樓底高,很有日本風味既裝潢) 食物:7.5/10 (當然無得同貴價日本菜比,但c/p值很高) 服務:8/10 食重點大板燒之前,食d前菜刺激下食慾同味蕾先.. 好,就來一客三文魚刺身 呢度d三文魚係厚切,所以食落去口感十足的,而且係有三文魚味!! 點解我咁講呢?我唔係學某藝人話食魚有魚味,食雞好有雞味... 而係香港人太愛三文魚,去到一個好濫既地步... 自助餐見到它,超市又有售,連地鐵都有得賣... 去邊都見到三文魚,但係你問心,又係咪間間既三文魚係有三文魚味先? 如果食三文魚無三文魚味,同條咸魚有咩分別呀!!! 用一舊水都唔使既價錢,買回個靈魂係值得o架!!!! 配埋清酒就直頭畫龍點晴啦... 刺身壽司呢味野好奇怪...一係就唔食,如果食少少就仲慘過唔食... 得五塊刺身點夠喉,所以叫左個壽司拼盤... 唔知係咪年齡大,個人愈來愈懶..(其實一世生就已經懶) 有SET一定叫SET,有拼盤一定叫拼盤.... 以為會求求其其比幾件細雞野你...但一上菜已經better than expectation.. 由左至右,由淡至濃咁食....好食!!! 其實望到個size 唔大,但正宗既壽司其實就係呢個size... 一口可以食得晒...一口可以咀嚼成件壽司既精髓.. 最重要係手握之餘,舊飯係唔會鬆散又唔會太實.....係夾得穩同內層鬆軟.. 咁既價錢有咁質素,毫無疑問係有heart既壽司!!! 登登登.....終於到主角出場... 好好好好足料既大板燒.....係比我o係大板食更足料既大板燒... 呢個係有雞肉,魷魚同芝士既大板燒...如果你懶唔想諗,亦可以揀一杯大板燒... WOOOO...一食落去,好好食呀!!!!!唔會一口糊,唔會一口粉,D配料毫不吝惜但又分佈得好好... 清新既菜,有咬口既外皮再加上大板燒既醬汁...每一口都好滋味... ***但要盡快食...因為冷卻左,你個心情同食慾就唔知點解跟住冷卻*** 呢度除左大板燒,其實燒物都出名...因為燒物佔MENU既一半... 但食完個大板燒真係好鬼飽...所以都係叫左幾樣睇下好唔好食... 1) 燒冬菇... 呢度D燒冬菇好食,其實冬菇係好難燒,一係就燒到柴皮,一係就燒唔熟,一係熟到形都變埋... 但呢度3燒冬菇,你就咁睇圖都唔會覺得佢柴皮...同花大少好似d阿叔咁講左幾次"呢個得wor" 2) 煙肉燒車厘茄. 第一次食呢個係o係大板食,當時我唔識日文又半夜...求其走入一間串燒店亂咁指... 一野就指左呢個....燒到香口既煙肉包住燒到外脆內軟而好甜既車厘茄,叫人一試難念.. 但係o係香港,搵唔返既味道,不過呢度既口感好接近,唯獨係車厘茄唔夠甜... 如果一班朋友聚會,食下燒物飲杯清酒,吹二句... 真係偷得浮生半日閒...