女人食飯去邊好?當然去d可以呃好多like 返黎既食店啦... Well,地方方面呢..唔可以太嘈啦,唔係會嘈到自己同姐妹講八卦野... 菜式呢?好食當然係其一啦,但最重要係要有震撼性啦,唔係放上面書都無人like... 價錢方面?哎呀!仲使問既...朋友食飯AA制架o麻,最好貴得黎又唔好咁貴,平得黎又帶少少矜貴.. 如果你有以上諗法,銅鑼灣既No.5 litalian 幫到一眾鍾意呃like但又唔多budget既你... 環境:7.5/10 (Cozy, 適合幾個女人講八卦,玩自拍,入到去10個有9.5個女人都係手機不離身) 食物:7/10 (好食既,但你過幾日會唔記得佢咩味,未去到好入心入肺既好食) 價錢:7/10 (唔太貴既..咁既環境和味道,又可以呃like!!但好細碟,要狂refill free bread隊飽自己) 一坐低,會奉上用麻包袋盛裝既麵包.. 好好食呀~~有幾款麵包o係入面,有長條形既麵包餅干,有麵包粒等, 最正係個醬-松露牛油...鬆軟既麵包加上松露獨特既味道... wooo..直頭有慢慢飄上太空既感覺.... 重點係免費都咁好食...又可以呃like,真係引死隔離......... 食完咁好味既麵包,就係時候叫個頭盤食下.. 頭盤:八爪魚(個菜名唔記得左) 四個字可以形容完,清新開胃.... 因為有醋,所以酸酸咪咪,配上水果就更能提升八爪魚本身既味道,, 由於係八爪魚薄片,所以不用廢太大牙力去咀嚼...淑女食左都唔驚痴牙! 但每人夾2件,好快就食完...真係只夠用來"zip"牙.. 之後再上一道野生大蘑菇配芝士.. o拿,係咪野生我就唔知啦... 碟野我影相無偷食既...1,2,3,4,5,6,7.. 一上菜就係得7件咁多o者....8個人你都要叫多碟... 唔知係咪野生蘑菇比較粗生,定係廚師煮得耐... 好干,亦唔係有咩特別,如果唔係呃like用,呢道菜唔叫都可以... 主角:海膽扁麵配白松露忌廉汁 黎呢度,都係為左叫呢個意粉.. 幾乎每枱都會叫呢一道菜...先唔計大塊塊海膽可以為你面書進帳幾多個like... 一上碟既震撼度已經係爆燈,舊幾水...有咁大塊海膽,你仲想點... 唔好以為得個樣,一入口...wooo...好creamy... 加上呢度hand-made 既扁麵,好食到你係一口接一口,食到停唔到口... 不知不覺你發現個碟只係剩返d白汁... 你就會好後悔做咩咁快食晒食袋包....唔係可以"索"埋個汁...咬埋個碟.. aiiiii.....一講起就好想再去食那銷魂既意粉... ****記住:要book 位...仲要預早2個星期都只係o係waiting list第3位*** 要呃like???要付出少少代價既...
