嚟緊要飛或者去開機場接機嘅朋友仔有口福啦喺 #富豪機場酒店 就可以一嘗富豪級享受入面嘅中菜廳嘅紅軒做緊🦀 匠心「蟹」逅・廚師發辦大閘蟹🏮盛宴 精心設計以當造大閘蟹為主題及嚴選大量優質食材入饌 今次揀咗花膠斑球蟹宴 （$598｜1位）由前菜、主菜到甜品 食材都一樣矜貴 而且份量足料 一啲都唔馬虎一人份真係食到飽一飽 勁滿足😌 🔸富豪薈萃—3款前菜 擺盤吸引 賣相精緻 - 蟹粉小籠包大大粒小籠包外皮彈滑 餡料豐富多汁連埋伴碟嘅大量蟹粉一同進食 口感豐富 滋味無窮 - 花雕醉鮑魚冰鎮過嘅鮑魚更顯鮮味肉質緊實 爽口彈牙多汁 內裡軟嫩食落每口都帶有馥郁醇厚花雕酒香非常開胃 - 蜜汁黑豚叉燒厚切黑豚肉肥瘦適中、甘香不膩經過蜜汁與炭火燒嘅黑豚叉燒 額外酥脆可口黑豚叉燒肉質軟嫩 入口即化面層嘅蜜汁非常惹味 甜而不膩咬落啖啖肉 口感豐富 🔸主菜❣️清蒸江蘇大閘蟹（2隻）清蒸♨️可以鎖緊原汁原味一開大閘蟹就係醬爆嘅蟹膏 小心彈油🤭絕對會食指大動 😍蟹黃黏糯綿潤 脂香醇厚食落滿口充斥著濃郁嘅蟹油香氣令人再三回味🤤 ❣️枇杷雪梨螺頭燉花膠呢款經典嘅廣東滋補燉湯 味道清甜甘潤，鮮美不膩主角花膠好肥厚 口感軟糯滑溜 好Ｑ彈 可以為肌膚補充滿滿嘅膠原蛋白 飲完即時暖笠笠 溫潤滋補 ❣️蟹粉豆腐蒸斑球石斑魚片肉質厚實啖啖肉味道非常鮮嫩爽滑豆腐完整吸收咗蟹粉同魚肉嘅精華帶有海鮮嘅鮮甜 口感軟綿嫩滑 入口即化加上蟹粉醬汁一同進食 為菜式更添鮮味 帶嚟更豐富層次 ❣️薑汁🫚生炒芥蘭苗芥蘭苗鮮嫩 口感爽脆多汁味道清甜回甘 清清味蕾繼續食餘下菜式 ❣️臘味糯米飯 糯米飯做得軟硬適中 爽口乾身外層乾爽、油亮透明 內裡口感軟糯 粒粒糯米飯都吸收咗臘腸、潤腸嘅油脂 食嘅時候每口都帶有油脂甘香 幸福感滿滿由於實在太好味 瞬間光盤🍽️ 🔸甜品❣️桂花薑茶燉桃膠薑茶散發出淡淡桂花清香 味道甜甜帶微辛🌶️好暖胃有助驅走大閘蟹嘅寒涼桃膠口感黏軟 膠質感似果凍軟嫩彈滑 入口即化滋陰潤燥 潤腸同時美肌❣️養生紅棗糕口感軟糯綿密又彈牙 甜而不膩仲可以補血理氣、健脾養胃 點擊圖片放大 花膠斑球蟹宴每道菜色、香、味俱全滿載驚喜🌈 滋味無窮又養生呢個價錢絕對物有所值 性價比高 ✅真心推薦👍呢個餐屬限定期間供應 鍾意食大閘蟹嘅朋友一定唔可以錯過 @regalhotels #karryshare #hkfoodie #香港美食 #中菜 #紅軒
