去唔成日本🇯🇵 唯有以美食一解思鄉愁為咗嘆正宗日本🇯🇵風味今日專程嚟到位於天后嘅【鮨千月】@sen_tsuki 品嘗Lunch Omakase 午市廚師發辦其實都幾適合我呢啲懶人😂因為坐低咗之後就無需再為點餐而煩惱 唔使三心兩意 只係坐低等食就得啦😝 餐廳座落於26樓 落地玻璃設計 坐擁180度無敵兩岸維港景致🌃步入充滿空間感嘅餐廳 令人即時心曠神怡坐喺bar枱品嚐美食鮮味 同時更可細心欣賞廚師手藝 可以講係錦上添花 將藝術與美食完美融合 今日嘅Omakase《SHINRA》森羅 $580🥗沙律：沙律新鮮清爽 酸酸甜甜 非常開胃🥚茶碗蒸：同一般茶碗蒸唔同 呢個特別以上湯精心炮製 味道更鮮甜 口感更顯滑溜 🍣壽司 x 8️⃣貫1.金目鯛魚：空運自日本🇯🇵著名產地愛媛縣 由於依家係盛產季節 肉質更為細緻嫩滑油脂較少 味道清甜鮮美 😍2.深海池魚：魚肉較厚 肉質鮮嫩肥美 口感豐富脂厚油香 入口魚油甘香細膩 令人齒頰留香3.帆立貝+青柚子帆立貝鮮甜肉厚 青柚子味道清新 🌱搭配得宜 甚具夏日氣息☀️特別加入嘅青柚子有助提升帆立貝整體鮮味 4.中拖羅 + 魚子醬：中拖羅肉厚肥美 色澤粉紅 💗脂肪比例較高 有入口即溶嘅感覺 魚油脂甘香濃郁 一口吃下滿佈口腔🥰 再融合魚子醬嘅獨特味道 令人再三回味 5.甜蝦 第一次食到做法咁特別嘅甜蝦壽司😍除去蝦殼嘅甜蝦 經過一輪拍打工序令蝦膠質感更為豐厚 食落更加黏身 口感與味道同一般嘅甜蝦壽司有莫大分別 食完會齒頰留香 令人印象難忘6.間白魚 配香草 🌿+梅醬 魚肉爽滑彈牙 只係簡單配以香草🌿加梅醬即可帶出間白魚嘅鮮甜味美😋7.油甘魚壽司🍣 + 竹炭 精選魚腩位置 食落滿口魚油脂甘香 味道口感豐富 面層特別加上竹炭粉帶來全新視覺享受🤩 8.赤海膽 赤海膽份量算幾多 加上新鮮鮮甜 夠曬肥美 味道濃郁 食完赤海膽感覺更圓滿 🍚刺身飯（細）刺身飯特別加入高級日本料理常見食材 - 淡紫色💟嘅食用紫蘇花 帶有花香及紫蘇味完全滿足視覺享受 同時提升各款刺身鮮味 最後以 麵豉湯｜甜品｜咖啡☕️作結為呢頓豐富午餐畫上完美句號 ⭕️✨是日甜品：芝麻雪糕🍦芝麻味香濃 雪糕口感幼滑 夠晒消暑 大愛❤️食完真心飽 大滿足😍 以呢個價錢可以享受到高質用餐環境飽覽維港景色；邊細味品嚐廚師精挑細選嘅時令食材 可以講得係物有所值 大家都快啲去體驗吓啦😊 #鮨千月 #omakase #omakasehk #karryshare鮨千月
