對於日式燒肉店🥩相信大家都唔會陌生但係「一人燒肉」你又試過未？最近天氣急跌🥶外出用餐當然要搵熱辣辣食完又會成身暖粒粒嘅食物啦無意中俾我發現呢間嚟自日本🇯🇵東京超人氣🔥以「一人燒肉x快餐」為概念嘅【Yakiniku LIKE 燒肉LIKE】👍一人燒肉專門店喺香港開咗分店身為日本控嘅我當然要即席試一試佢😍 餐廳嚟到香港一樣人氣高企📈就算一早到達都已現人龍但由於餐廳屬快餐性質等候時間尚算合理餐廳裝修設計時尚簡約環境舒適俾人感覺乾淨座位之間保持寬敞距離貼心為顧客設有儲物籃店員服務態度親切有禮另外仲有手機點餐服務餐牌提供8️⃣款精選套餐如果有特別喜好嘅部位亦可以自由搭配份量由50-300g不等而我就點咗餐廳特別推薦嘅💪NO.1之選《LIKE套餐》250g：有牛舌、胸腹肉、橫膈膜肉包括白飯🍚、和風湯、泡菜/迷你沙律🥗（白飯份量：可選150g/200g/300g）感覺點餐後唔使3分鐘，食物就已經迅速送到我面前，非常有效率👍！ 🥩牛舌：每塊厚薄均勻，屬我喜歡嘅質感。顏色鮮紅，望落都已經知道肉質新鮮，令我垂涎三尺🤤。薄薄一塊，好快已經可以燒熟，我就鍾意將牛舌燒到有少少脆邊，令咬落口感更為香口脆薄，油脂喺口腔內慢慢散發出嚟，令我食慾大增😍🥩橫膈膜肉：肉質鮮嫩，每塊肉切得比較厚身，咬落絕對係啖啖肉，口感非常豐富😋。由於每塊肉嘅脂肪分布比例平均、恰到好處，一口咬落，就感覺到橫膈膜肉非常腍軟，油脂香味立刻喺口腔爆發出嚟，令我更加想配多幾啖白飯一同進食。🤣如果你係屬於「食肉獸」類朋友，橫膈膜肉絕對係一個唔能夠錯過嘅選擇，個人私心推介💕🥩胸腹肉：特點係肉質油脂部位會較多，但係由於切得比較薄身，當燒熟之後，油脂部份收緊，即使咬落，都唔會有油膩感覺，相反仲帶出多一份肉嘅油香，係另一種滋味。😋我就比較喜歡將胸腹肉燒到有少少脆口，令口感香脆肉滑，咬落滿口油香，真係白飯都食多幾啖😂，胸腹肉絕對係呢一餐嘅驚喜🎉！如果你係屬「重口味」朋友，相信你都會愛上😍 🍚食燒肉，除咗講求肉質新鮮之外，其實所配搭嘅白飯就係整體用餐嘅靈魂所在。白飯質量，絕對影響整個用餐體驗。餐廳用嘅係獲評最高級別的「特A」米，所以望落晶瑩剔透，黏黏嘅口感，食落特別香軟，配以剛燒好嘅肉一齊進食，口感更為豐富。對於我呢類「無飯不歡」嘅人嚟講，絕對令我有一種要繼續追住落去食嘅感覺🤤。🥗迷你沙律，新鮮開胃。和風湯，味道比較濃厚，夠晒醒胃。🧂配備8️⃣款自選調味料：黑胡椒、海鹽、原味BBQ醬、蒜香醬油、鹽味醬、辣味噌醬及韓式辣醬，香港店更特別加入港人最愛❤️嘅胡麻醬另外，由於餐廳引入進口無煙烤爐，配有先進除煙技術，即使我用膳完畢，離開餐廳，身上都唔會有大陣油煙味，抵讚👍今次「一人燒肉」整體用餐經驗非常滿意，仲好有驚喜🎉⭕ 價錢親民💰⭕ 食物質素有保證✅⭕ CP值超高💯 就算一個人💁♀️都可以隨時隨地輕鬆享受食燒肉樂趣簡直係一眾「食肉獸」嘅喜訊🤩🎉【Yakiniku Like 燒肉Like】依家仲有👍開幕驚喜「2️⃣9️⃣」優惠送俾大家🔥➡️於正式開幕日及翌日(2021年1 月14日及1月15日)推出限時超值燒肉套餐優惠😍顧客只需以港幣💰$29（日文的「肉」字發音與「29」相近）即可享用🔥人氣「胸腹肉套餐」200g（原價：港幣$72)（每日名額：100個，售完即止❗）👍每月優惠 🔥➡️逢29號 = 🇯🇵日本肉の日每個月都會送出不同驚喜食品燒肉Like 香港📍地址: 新界沙田新城市廣場, 四樓 408 號舖#YAKINIKULIKE #一人燒肉IG@yakinikulikehk
