四月十五日 遲來的文章，因為四月份太忙了，没有太多時間。 話說係 Häagen-Dazs™ Facebook 專頁舉辦咗公開招募雪糕鑑賞會嘅雪糕品味師，而要成功取得雪糕品味師的身份參與Häagen-Dazs™ 尊貴雪糕鑑賞會，要提交一些個人資料，以下係 Häagen-Dazs™ 俾大家參考嘅品味師資格…… 1. 品嚐雪糕的資歷：任何顯示你對雪糕的熱愛及品質的體驗資料，這可包括品嚐雪糕的年資、習慣、產品種類、產品口味、曾品嚐的雪糕品牌、對雪糕品質的認知、曾在什麼國家品嚐等等。 2. 分享品嚐雪糕的資歷字數不限。詳盡的描述，讓我們更能了解你品嚐雪糕的資歷。 3. 寫出Häagen-Dazs™的五大至優天然原材料。 4. 一張品嚐Häagen-Dazs™雪糕時的照片: 照片須有參加者本人與品嚐Häagen-Dazs™雪糕的合照。 只需簡單幾個步驟，即有機會參與「Häagen-Dazs™尊貴雪糕鑑賞會」 原本因為活動日期係平日上班時間而不打算參加，不過見老友食家收到邀請，嘻嘻，於是我自己就報名參加。坦白說要寫出資歷真的不難。熟悉我的朋友一定知道我勁鍾意食 Häagen-Dazs™ 嘅 Summer Berries, Raspberry Sobert etc，要揾合照也不難，因為曾經食過 High Tea Set, All you can eat, 甚至去到歐洲也有影低，哈哈。 最後我好順利地以 “VIP” 身份獲邀出席，嘻嘻！最開心係可以安排我同老友食家坐，真係開心。之後最驚喜係不眠王子和 Bonnie 都係度，不眠王子係人氣 blogger, 終於第一次見面，而 Bonnie 就係上次商台飲食活動遇上了。 Häagen-Dazs™ 尊貴雪糕鑑賞會在 IFC 平台嘅 “The Box” 舉行，落地玻璃嘅設計，感覺時尚，地方不算大，但空間感十足。 我們一坐下就收到張金卡，無錯就係 18K Häagen-Dazs™ 尊貴雪糕鑑賞會嘅入場券，金光閃閃，我們兩眼也發光！ 跟著就來一個測試，試分辨出那些是 Häagen-Dazs™ 雪糕嘅原材料。 經司儀嘅介紹，Häagen-Dazs™ 係採用五大簡單天然材料, 包括 100%鮮牛奶、鮮忌廉、雞蛋、糖及天然食材配製, 絕對不含人造香料、人造乳化劑或人造色素, 雪糕空氣含量比一般低, 約有20%，所以雪糕的質感先咁豐厚。 係等待活動正式開始之前，服務員奉上夏威夷果仁，香脆果仁好好味，加上我未食午餐，哈哈，食咗好多粒添。 活動先由 Häagen-Dazs™ 代表簡介 Häagen-Dazs™ 的故事，原來……原來……背後係咁多不為人知嘅事……大家想知？直接到 Häagen-Dazs™ Facebook 專頁自己探索啦！嘻嘻！ 接著有 Chef Koo 同謝婷婷出場炮製甜品， 而我哋都可以品嚐呢件雪糕甜品，單是賣相就已經很吸引！ 雪糕，蛋糕，布甸，朱古力，糖漿……拼湊成的甜品，得到視覺和味覺享受，正呀！ 之後再來朱古力粒曲奇，啱晒未食午餐嘅我……哈哈哈哈。 跟著再來一個自選雪糕杯環節，我刻意試了綠茶味，因為 Häagen-Dazs™ 為咗令綠茶不易受氧化影響，特意在杯內加上一層鋁，真係用心良苦！ 活動完結時，我因為是 VIP，所以要錄影片段，哈哈，緊張到唔知自己講咩，希望唔會見到條片出現啦！ 最後 Häagen-Dazs™ 更送上雪糕品味証書， Häagen-Dazs™ 雪糕券 5 張，還有我至愛的 Summer Berries 做封面嘅 Folder。 令人意想不到的是收到一盆士多啤梨，看著小小的士多啤梨，感覺很奇妙呢。
