最近好似成日食牛腩，哈哈。今晚就去咗屋企附近嘅薰衣草餐廳食牛腩，聽起來有點奇怪，為什麼一間咁西式名嘅餐廳竟然係食牛腩？因為對面街有間薰衣草洗衣店，昨晚聽到店內職員說要過去收鋪，相信是同一個老闆。 薰衣草餐廳為於水街斜路位，由屋企行過去唔駛 5 分鐘，真係勁方便。餐廳內的水吧位其實似普通的餐廳水吧位，同一般的粉麵店不同。店內位子不太多，檯以墨綠色為主，椅子是比較細心的設計，因為有椅背，比起圓櫈坐得更舒服。 看了餐牌，選擇也不少，而且還有優惠套餐。另外餐牌上有不同牛腩的介紹，講解一下極品牛腩的特色，真係唔講唔知有咁多種。 餐牌 最後我叫咗崩沙腩、爽腩河套餐，奉送咖啡或茶 $48，凍飲加 $2。當我問店員有什麼餐飲時，除了咖啡，奶茶，檸茶，檸水，汽水外，還有華田和好立克。對於不好咖啡或茶的得來說，真係太好，我揀咗熱華田。 崩沙腩、爽腩河套餐， 店員先奉上熱華田，甜度已經啱我口味，不用再加糖。 熱華田 然後大大碗嘅崩沙腩、爽腩河就在我面前，碗比平時食的大，材料有爽腩，蘿蔔，芽菜和河粉。 大大碗 跟據資料爽腩，又叫「繃沙腩」、「崩沙腩」或「蝴蝶腩」，是牛肚皮的腩位，面積很小，爽腩貴坑腩一半，由於有塊薄軟膠質，爽軟不硬。 講解一下極品牛腩的特色 眼前爽腩大大件，份量十足，爽腩好軟腍，而膠質部份真是爽軟，真是不錯。 爽腩 膠質部份 蘿蔔很腍和清甜，芽菜很爽，而河粉也很幼滑。 蘿蔔 幼滑河粉 再喝一啖湯，尚算清甜，不過有點油，所以沒有飲晒。 總括而言，爽腩大碗又抵食，仲有餐飲，十分少見。下次再來時，就要試下「水街第一清湯腩」。
