多謝 U Food 邀請出席皇家太平洋酒店浪漫 2 月 Bubble Dinner 星級晚宴，今晚我哋可以率先試食堤岸酒吧及餐廳 (Pierside) 嚟緊嘅 抱『泡』情人月 (Bubble Month) 主題晚餐。 堤岸酒吧及餐廳位於尖沙咀皇家太平洋酒店海景翼大堂，顧名思義就是在碼頭邊，餐廳設有露天雅座，無論戶內戶外都可以望到維港嘅景色。餐廳內燈光柔和，加上有現場鋼琴表現，充滿著浪漫嘅氣氛。特別一提的是餐廳嘅半圓梳化餐椅，更有 Cushion 提供，令客人可以坐得更舒服放鬆，享受晚餐。 今晚我們被安排在餐廳的近窗位置，自成一角，由多張檯拼成的長桌，兩人對坐，我同老友食家第一次真正 '撐檯腳'，哈哈。 餐廳為營造浪漫 2 月情人節嘅浪漫氣氛特意在食物的外形或配料上用了『泡泡』和圓形嘅原素，充分表現 抱『泡』情人月 (Bubble Month) 嘅主題，經餐廳行政總廚 Kenneth簡介後，今晚嘅 Bubble Dinner 正式開始。 Bubble Dinner 套餐係奉送兩杯法國氣餐酒 (French Can Can, Brut N.V.)，大家舉杯之後，就開始食麵包，麵包有外脆內軟嘅麵包條和法包，有鬆軟嘅圓圓穀麥包，再塗上牛油，好好味。估唔到除了餐酒，連麵包都可以符合主題。 法國氣餐酒 (French Can Can, Brut N.V.) 麵包 意式薄帶子配黑松露菌凍及香檳油醋 (Scallop Carpaccio with Black Truffle Jelly and Champagne Vinaigrette) 以圓形嘅薄帶子拼疊成，營造一串泡泡嘅效果，賣相別緻，很有想像力。 意式薄帶子配黑松露菌凍及香檳油醋 帶子配上香檳油醋，吃起來特別滑，香檳油醋泡泡圍著帶子，亦有雙重 Bubble 嘅效果。 香檳油醋泡泡圍著帶子 而放在帶子面的黑松露菌凍就很香，黑松露味濃。伴碟有炸香的脆脆和沙律菜，沙律菜是盛在圓圓的蕃茄仔上，再一次有 Bubble 嘅原素，特顯大廚的心思。 特濃泡沫蟹湯 (Double-boiled Crab Bisque Cappuccino) 無論係湯嘅名稱或賣相也符合泡泡主題。蟹湯表面全是泡泡，內裡是充滿濃郁蟹味的湯，而且還有絲絲蟹肉，很美味，值得推介！ 特濃泡沫蟹湯 絲絲蟹肉 砵酒燴和牛牛面頰伴香煎鴨肝 (8 Hours Slow-cooked Wagyu Beef Cheek in Pork Wine Espuma Accompanied with Pan-fried Foie Gras) 經大廚悉心設計，有多種顏色，賣相很精美。 砵酒燴和牛牛面頰伴香煎鴨肝 牛面頰上滿是粉紅色的砵酒泡泡。 粉紅色的砵酒泡泡 不說不知，原來牛面頰是咁厚身和大件，真是睇唔出原來和牛係咁厚面，哈哈。牛面頰好腍，很鬆軟，吃起來有點像牛腩。加上伴碟用上紅蘿蔔和白蘿蔔，令人聯想到蘿蔔牛腩。鴨肝煎得好香，吃來也很綿。 香煎鴨肝 另外大廚亦擺放了露筍，菜膽，青瓜，菇菌伴菜來裝飾，食起來各具特式。 焗珍寶草莓梳乎厘 (Baked Jumbo Strawberry Souffle for 2 pax) 嘩嘩嘩！真係不得了！好大個梳乎厘呀！同平時見的器皿形狀不同，大廚用上錐形底，相信難度更高。圓形厚厚的表面，就好像一個大泡泡。表面焗得很香，內裡粉紅色的草莓味餡，很奪目，而且放入草莓果肉，很有心思。建議同餐廳提供嘅草莓醬一齊進食，由內至外也充滿濃郁嘅草莓味道。 焗珍寶草莓梳乎厘 堤岸小點 (Home-made Petit Four) 最後嘅小點亦係貫徹泡泡呢個主題，圓形嘅法式杏仁餅，檸檬味香濃，而朱古力曲奇就充滿手做嘅感覺，吃起來很有質感。 堤岸小點 咖啡或茶 (Coffee or Tea) 我點了熱檸水，圓圓嘅檸檬片，可以切合泡泡嘅主題，哈哈。餐廳提供嘅糖不是常見的包裝糖，粒粒糖感覺很 Raw，客人可隨意加上調味。 熱檸水 總括而言，餐廳環境很浪漫，服務有質素。而食物符合 Bubble Month 嘅主題，亦充分顯現大廚嘅心思。最後多謝 UFood 和餐廳嘅安排，期待日後再有機會品嚐其他新主題食物。
