華姐嚟咗西環喇！之前見個鋪位裝緊修，都未知會開咩店，再過一排見到佢貼張紙仔寫係華姐清湯腩，真係有點興奮 ，因為以後唔駛去天后喇。星期六路過店舖時都見到裝修已經七七八八，驟眼看到寫住 1 月13 日試業，原本都打算星期日去，最後今晚收工後去看看，眼見店舖的燈亮著，門口有一花牌，見內裡沒有太多人，就走進去了。 由於時間尚早，仍未滿座，我可以自由選擇位置。店內以木色牆身配鏡子，為小小的店舖增加了一點空間感。而淺木紋色檯，再加鮮黃色的櫈，一改以往粉麵檔的格調，看起來亦比較搶眼。 店裡有四張圓檯，三張長方檯，大概都可以坐到三十幾人。店員以女性為主，更加切合 '華姐' 個鋪名。 新店開張，當然要試吓馳名已久的清湯牛腩同埋腩汁蘿白。 晚餐 看一看餐牌，同天后店的一樣，向店員落單後，見張單的電話仍然是天后店，大概是未改得切。 落單紙 轉眼間，食客越來越多，已經有一母子搭檯了，當佢哋仲研究食咩嘅時候，我碗腩汁蘿白已經奉上。 大大碗的腩汁蘿白，只是 $12，蘿白清甜又腍，而且沒有渣，腩汁濃度剛剛好，沒有搶了蘿白的味道。 腩汁蘿白 沒有渣 今次我叫了清湯牛腩河，$35 的河粉份量絕不少，大大件牛腩連住少少筋，吃起來很軟腍，牛味亦很濃。 清湯牛腩河 大大件牛腩 少少筋 河粉幼滑，而且份量十足，一定唔會食唔飽。再喝一啖湯，果然很清甜，沒有味精，我飲晒成碗湯，都沒有口渴。不過眼見隔離的兩位落了很多醋，整到成碗也變晒色， 似乎浪費咗嗰清湯。 河粉幼滑 食完就埋單，問了店員取外賣紙，電話是手改的，應該也是借天后店的來用，最後她特意提示那個手寫的電話要星期三才生效呢。 總括而言，清湯牛腩果然係與眾不同，另外值得一讚的是店員笑容和態度也很好。新店在我家附近，十分方便，相信以後一定再來。
