05 May 2013 (Sun) 旅程的最後一天,終於下雨了,可能太熱,第一次想係旅行時落雨,哈哈。 今日竟然多咗個 Pancakes 機,咁我梗係要玩吓同食吓啦! 最後一日嘅豐富早餐,同之前嘅食物都係差唔多,今日多咗野菌忌廉湯,正呀!仲有炒河粉都唔錯,而 Pancakes 都幾好味。又唔知幾時先可以食咁豐富嘅早餐,哈哈! 食飽飽之後,就回酒店房 Hea 一陣同執行李,我哋要 Check Out 喇! 我哋今日都係去附近嘅商場行下,見到剛剛 Ironman 上畫,有唔少宣傳活動,呢個模擬穿上鐵甲嘅遊戲真係幾攪笑。 行到咁上下,又去搵食,哈哈!今日終於試咗 Greyhound Cafe,之前係 IFC 食過,好鍾意食千層蛋糕,嘻嘻! 叫咗杯 Pink Cooler (Watermelon, Orange, Pineapple) (THB 100),飲落好 Fresh,好鮮甜!職員會送上餐包,都幾軟熟。 係 Greyhound Cafe 唔可以唔食單骨雞翼呢,Greyhound Famous Fried Chicken Wings (THB 110),雞翼炸得好香脆,如果份量多啲就更好,嘻嘻。 另外我叫咗一個 Phad Thai with Fresh Shrimp (THB 160),因為我想比較下香港同泰國分店煮出嚟有無咩唔同,原來都係一樣,味道係唔錯,只係啲蝦細隻咗。 食完之後,我哋就回酒店取行李,眼見自己本身加了的鎖‘變臉’了,不是我本來的模樣,真是十分驚訝,而且我當時不知道為什麼用自己的鎖匙開不到!於是通知酒店職員,大家都覺得奇怪,為何鎖不同了,但行李箱仍然鎖著,難度是被人換了鎖。酒店職員更帶我到酒店的暫存行李房看看,不過看不到。當我們慌亂中,其中一個酒店職員竟然又可以用我自己的鎖匙開到個鎖。之後我突然想起,可能是在行李房被撞掉了我那個卡通鎖頭的‘外套’,只剩下內裡的部份,哈哈,真是虛驚一場。 之後都哋就由 BTS National Stadium 去 BTS Phaya Thai (THB 20),再坐City Line 係 Phaya Thai 坐去機場 (THB 45),過程都好順利,亦都唔辛苦,哈哈。 好快就去 Check In 喇,真係幾多人! 去程和回程行李比較,因為我將一些舊衫褲丟了,所以重量變化唔大。 一齊返香港喇! Check In 完,又係機場入面行下,係機場有一個可以取 Wifi Login 同 Password 嘅櫃台,登記完又可以上一陣網,不過訴號太弱,幫助不大。 我哋係 18:45 機,上機就係食晚餐!今次我嘅海鮮餐係有煙三文魚沙律,海鮮菠菜麵,味道都唔錯,一定好食過普通餐,嘻嘻! 原本打算睇埋寒戰,點知無咗,之後揀咗東京家族! 之前玩遊戲有兩張東京家族嘅換票証,不過沒有時間去看,轉讓咗俾同事,估唔到依家可以睇番,嘻嘻! 轉眼間又到咗香港,落地非常穩定,好滿意!之後就要去等行李,我嘅新行李仍然安然無恙! 今日支出 (THB 計算) 午餐:315 BTS:20 Cityline:45 支出合共: THB:380 港元:約 $102 支出總計 1. IBIS Bangkok Siam:HK $1100 2. 泰航:HK$2250 3. 每日支出:HK$ 968 + HK$ 877 + HK$ 410 + HK$ 434 + HK$ 102 = HK$ 2791 今次旅程支出合共:HK$ 6141