因為種種的因素,我的2013 西班牙之旅取消了,看著朋友們一個一個去旅行,真係又羨慕又妒嫉。特別是復活節長假期。 和朋友傾吓傾吓,大家都好想飛,而我亦破例選擇了近近地嘅泰國,東南亞我只去過日本,韓國和台灣,再熱的地方真係未去過,始終對陽光與海灘不是那麼熱衷。 突然計劃去旅行,三月廿幾先訂機票,價錢未係最抵,始終五一係假期,最後選擇了泰航 $2250,早機 07:45 去晚機 18:45 返~ 最有趣的是我未票又未出發去泰國,就已經要計劃下一個旅程,因為我在 U Magazine 玩遊戲得到台灣機票一張,哈哈,而且要短時間落實,最後兩張機票差不多四月中 confirm。 選擇了一間較新的酒店,今次住 IBIS BANGKOK SIAM,2012 才開的,每人 HK$ 1100隔離就是 BTS National Statium,包早餐,每人 $1100,亦是可以接受的價錢。 於是我就係屋企搵番曾經係旅遊展取得嘅資料,原來都有幾本書仔。 點擊圖片放大 +2 循例亦買一本新的旅遊書,每次我也是行程的計劃者,哈哈,同埋呢本有好多印花的,買咗先算。 因為剛好旅程中有一日是朋友的生日,我特意安排其到文華酒店的法國餐廳午餐,亦預先訂位和說明我們是來慶祝生日的,等餐廳可以預先準備送朋友一個大蛋糕,嘻嘻。由於未有五月的餐牌,睇住四月的用作參考先。 由於今次是 Hea 住玩同食嘅心態,行程表只有每日的活動範圍,建議餐廳和購物點,比起歐遊行程真係輕鬆好多。 01 May (Wed) - 酒店附近為主,Siam Centre,Central World,Big C etc 02 May (Thu) - 文華酒店法國餐廳,Asiatique the riverfront 03 May (Fri) - Terminal 21,Chocolate Ville 04 May (Sat) - JJ Market,China Town 05 May (Sun) - 最後一日在Siam 附近閒遊,Siam Centre,Central World,Big C etc 正好收到 Delsey Helium 行李箱的體驗邀請,今次我就不用拖著 28 吋行李箱,真係開心喇!