01 Apr (Day 1) 籌備經年的芬蘭之旅終於開始喇，第一日北上去Ivalo (音：Eva 鹿)，其實都係因為入境時佢講我先知個讀音，哈哈！好多人會去出名的小木屋住，不過實在太貴，所以我揀咗 Inari 住一晚！果然沒有選擇錯誤，酒店的大窗成為我們追補北極光的好位置，不用夜晚走出去追風。由於已經四月，極光指數得 1，都唔抱太大期望。如果農曆年去就遇到最強的大陽風暴，可以睇到好多北極光！幸運地，第一晚就可以看到了，真開心！ 02 Apr (Day 2) 起身就開始第二日的行程喇！食過豐富的早餐，點解係豐富，因為有香港人喜愛的三文魚，雖然係煙三文魚，但係就唔同香港，好食好多架！最開心就係有我至愛的Berries乳酪，正呀！食飽飽就返房執行李，準備去坐巴士！今日主要係坐 5 小時巴士，無錯！係 5 小時，不過瞓下瞓下，時間又過得好快！之後到咗我地住的Guesthouse，放低行李即刻出去搵Rax Pizza Buffet，食飽之後就回 Guesthouse！不過今晚就見唔到北極光喇，唯有早點休息，準備第二日去探聖誕老人 ^o^ 03 Apr (Day 3) 今日好開心，因為食完早餐之後就去探聖誕老人喇！之前揾咗朋友幫的全網上睇住個 Web Cam，諗住可以拍低我地同聖誕老人見面的情況！於是去聖誕老人Office 時，仲靠微弱的Wifi 同佢聯絡，點知佢話個Cam 'Off Air'，真係唔好彩！我地仲用SMS添，因為入到去已經收唔到Wifi。最後我們決定買隻USB，因為可以有番條片，同啲相的Softcopy！之後就寄完Postcard ，去埋北極圈分界線影相，又去咗出面玩！食個快餐就去買嘢俾自己啦，哈哈！回到市中心去咗最北的麥記同超市Shopping，今晚又要執行李，準備第二日向Kemi 出發！ 04 Apr (Day 4) 一早起身，天氣好好呀，食完早餐之後就出發去附近行街街，去咗一間似精品店，Post Office，百貨公司，之後去埋Supermarket 買定今日的Lunch 就回程返去Guesthouse 取行李。呢兩日我地都有研究我們走邊條路去火車站，為避再滑倒，嘻嘻！今天我們非常順利去到火車站，都未企定，已經見到架火車到了，之後就上車搵我地預先訂有插頭的位，點知有個男仔坐咗，之後當然係佢自己走開。職員Check 完票之後，我地又開始工作，即係叉電同拼相！哈哈！為了令朋友可以快D 睇到，日日都努力拼！今次車程比較短，好快就落車喇，之後就要去搵酒店，由於D 路已經無咩雪，拖喼都唔算太困難，終於找到我們的酒店喇，Check In 完，又預約了明天去碼頭嘅的士，可以上樓喇，今次係5樓的Business Floor！食個自製Quick Lunch 之後，我地就向Snow Castle 出發，嘩！入面好凍呀！係暫時四日旅程入面最凍的地方！參觀過後，我地就返酒店餐廳晚餐，今日的行程就完成，期待明天的破冰之旅 ^o^ 05 Apr (Day 5) 終於到咗今日喇！就係我地今次的旅行另一個重點，破冰船之旅，哈哈，不過就勁貴，今年已經加了價 Euro 250 一個人，不過一生人一次，豪俾佢啦~ 食完早餐之後，準時十一點在酒店門口等，的士準時到達，大概20分鐘的路程，多謝Euro 23，哈哈！因為無其他交通工具可以到，又係要豪一豪啦！上船點名，知道午餐時間被安排1215，Tour 1345，不過原來如果我們跟Passport 寫Chinese 佢地係會將你編去國語組，不過慶幸給一個識廣東話的職員發現，叫我們1300 去跟廣東話的Tour!最後1430 就可以去排隊換衫等Ice Swimming 喇！件衫真係好攪笑，不過功能就好勁，防水，保暖，仲要識浮，我游咗一陣，因為件衫焗住我個口，所以就要揮手示意上岸，不過我地唔夠時間上岸影相，有少少失望，好快就要回程喇！Ice Swimming，真係好好玩，因為我唔識游水，所以難得可以係海到游，真係好開心！轉眼間，四小時的破冰之旅就完喇，船已經駛回碼頭，的士司機都等緊我地，攞完張証書之後，我地就返酒店！去過酒店對面的超市，不過睇唔啱，最後設酒店餐廳，叫咗杯Euro 2.5 朱古力，又一邊叉電，一邊拼相，完全唔想周圍去呀！仲要Hea 到晚餐時間，哈哈，食完晚餐就係隔離行李房攞番個喼，向火車站進發！我地今晚要坐火車去HEL，夜晚十點幾車，要到第二日八點幾先到！唔好以為瞓火車好辛苦，今時唔同往日，呢架火車的睡房簡直係酒店級的服務，有Wifi，有電插，有毛巾，有浴室等等，完全唔覺自己係火車架，仲要好好瞓！哈哈！極力推介芬蘭的VR！ 06 Apr (Day 6) 今日瞓完通宵火車，芬蘭的VR 真係瞓得幾舒服，又安全，同我 N 年前瞓過的真係無得比，Euro 二百幾元兩個人的一晚住宿連交通費，都好抵架！瞓醒第一件事就係望下窗，不過今日天氣好似麻麻地，好準時，八點幾我哋就到咗芬蘭首都 Helsinki 喇！由於落緊雨又落緊雪，勁大風，我哋首先係火車站坐一陣先，順便弄一個早餐食吓，同埋我哋又發現免費Wifi，哈哈！原本打算買1 Day Pass 的，不過最後我哋決定行去監獄酒店，因為其實都算係一條直路，話近唔近，話遠唔遠，地面無雪，好易行，只係雪雨交更！好順利地我們首先寄存行李，其實我哋聽晚先才住，不過由於今晚要過大海，要輕便。之後我地係酒店內小休一會，因為有Wifi，哈哈，最大問題係出面落緊大雨大雪。之後我哋就行番出去市中心搵嘢食，今日係芬蘭假期，好多商場都唔開，好彩 Food Court 有開咋，食完午餐之後，周圍逛下，諗住睇下Euro $2 店有無開，不過都係無開。行咗一陣，又唔想行，其實係無嘢行，影相又唔靚，諗住留返最尾個日再影。由於去洗手間要俾錢，我哋又返酒店喇！哈哈！呢個酒店我地未正式入住已經勁係度Hea！之後去咗 Lobby Hea，上下網，瞓下覺，轉眼又到晚餐時間，我地索性在酒店的米芝蓮餐廳食呀！因為今晚要坐船過大海，所以貪方便係度食！食完之後就行去碼頭坐船喇！係一架好大的遊輪，上船搵唔度有插頭位，只係係餐廳個邊有檯，拼下相，瞓下覺就已經落船，到咗愛沙尼亞的塔林！之後行去酒店Check In，其實已經十二點，好攰！不過原來我們住的係超級大房，哈哈！影完相就好快瞓覺了！ 07 Apr (Day 7) 今日起身望出去都係落雪，唉，可能你會覺得落雪好正，其實落住雪係好唔方便架！又係每日最開心的時間，自助早餐！嘩！好多人呀！勁多人排隊呀，終於搵到個窗口位！食完早餐，再係酒店附近影下，不過落雪又凍，影了一陣又返房！今日可以1200 Check Out，原本打算行去Old Town，不過打雪又唔想行，加上見到酒店可以坐 'Free Shuttle'，於是我地等1300，係酒店Lobby 影下，上下網，影下！一直等緊我心目中的旅遊巴，不過1300 時唔見旅遊巴，於是問下接待處，原來架Van 仔係Shuttle，轉眼間我地就去了Old Town！其實歐洲個個城市都有 Old Town， 同埋真係差唔多，對我吸引力不大！由於又係下雪，我地去了 Shopping，哈哈！之後搵間 Cafe 食個 Tea 同上下網，嘻嘻！差唔多時間就回酒店去洗手間，哈哈，要我地俾錢去洗手間，No Way！之後就要向碼頭出發，因為要預先上船Check In！嘩！預先畫咗我地的 Buffet 位，好開心！一上船就要去找餐廳開餐，唔好睇 Buffet 要Euro 廿幾元，好多人來食架，又勁多人排隊！雖然未必有大家心目中的食物，不過都好抵食，因為我食咗好多雪糕，嘻嘻！時間真係過得快，我地落船之後就可以行番去監獄酒店攞番個喼，之後就 Check In，我地又係住2樓，今次係 206！ 08 Apr (Day 8) 今日係我地最後一日的旅程，真係好唔捨得，唔想返香港，因為8日其實少咗啲，不過由於今次係高消費，唔可以留咁多日。幸好最後一天，好好天呀！不過今日唔知做咩，好似冷親，所以食咗藥打底 >.< 我地今日要把握時間，去番前日去唔到的地方，所以行程好趕！起身食早餐，勁開心呀！有荷包蛋，嘻嘻！食完之後我地先行去碼頭睇下船期表先，同埋買了1 Day Pass，之後就勁坐電車周圍去，去咗幾個出名的景點之後，就又去Foodcourt 食午餐，然後就又去番碼頭坐船去芬蘭堡，芬蘭堡好大，不過我地好懶無咩點行，之後就返去市中心行超市作最後努力，買了嘢就回酒店取行李去中央火車站隔離坐機場巴士去機場！去到機場原本打算買小食，不過最後買了一盒果汁！好喇！食過晚餐，玩下Game，瞓一陣又食早餐，好快就返到香港，不過等行李耐一點！之後坐巴士又塞車，原來有意外！來回上環兩次將行李內的物品取了回家，今晚仲好好瞓，完全無時差！第二日仲可以休息多一日，正！ 2012 冰天雪地之旅的相片可瀏覽以下連結 http://www.facebook.com/media/set/?set=a.10151486849610495.852777.893055494&type=3&l=0eeaaa0ca7
