寫番一篇長文以作紀念… 喺公司作為一名AM，其實最怕係辨公室入面一啲口沒遮攔嘅新晉小花，嗰日成班同事放lunch一齊出去食Simplylife，個個share美容心得，話一畢業就要出去做facial做機Keep住副偈，我作為一名30+姐仔搭唔上嘴，都算，佢地仲夠膽死品評我近日毛孔粗大咗，真係情何以堪…枉我最近仲接手公司燙手山芋，日捱夜捱兼壓力爆煲，膚色暗啞、皮膚乾燥、毛孔開始出現一個個小洞，仲生咗一粒粒敏感瘡，感覺好似搽咩都冇用，即使用完暗瘡膏亦冇好轉，連新買嘅保濕精華都覺得浪費了…好擔心… 人人做中女 唔通人人都想做中女咩﹖我誓要重返25歲肌齡，事業樣貌level up﹗成日聽講「沒有醜女人，只有懶女人」，為對抗衰老，我決定踏出comfort zone試試新意思。 嗰班比我年輕些少嘅同事最近不時討論中環新開張冇耐嘅Life Young，我做完research前幾日「膽粗粗」一個人去踩場，甫踏進店內，時尚又華麗嘅裝潢都幾吸引，加上有新開張折扣優惠，精打細算嘅我忍唔住諗：既然一場嚟到一係試下做機，經過一輪深思熟慮最後選了我覺得CP值高嘅「DEP無針注氧亮肌療程」。 圖一、Life Young 圖二、免費皮膚分析 療程進行前，經驗治療師為我進行免費皮膚分析測試，治療師話我嘅皮膚問題係源自肌底缺水，我立即講：「吓﹖冇可能啊﹗我每日早晚都有搽保濕，精華花費唔平啊..﹗」就係本著一個「不相信」嘅心態去嘗試，反而令我有驚喜。無痛、無入侵性、無創，係呢個療程另一令我讚嘆嘅地方。圖三、DEP無針注氧亮肌療程儀器 驚喜之一，係呢間美容店選用美國FDA認證嘅儀器品牌，我做嘅「DEP無針注氧亮肌療程」亦唔例外，唔單止咁，當日仲有醫生操作，令我信心倍增。微暖嘅震動模式啟動之後，我感受到一股溫和力量，慢慢推進我皮膚表面，呢種按摩都幾舒服，平日邊有人咁服侍我。醫生仲話儀器有助兩秒內擴大17倍導入精華，咁就可以將精華直送到我嘅真皮層，激活深層肌膚，有助緊緻肌膚。而且我係敏感膚質，相比其他療程做完後可能會出現敏感甚至紅腫一兩日，「DEP無針注氧」可以減少我喺呢方面嘅擔憂喇。 圖四、DEP無針注氧亮肌療程儀器 驚喜之二，係頭先提到「DEP無針注氧」無痛、無入侵性、無創，修復效果可直接代替針劑，滲透度亦會直入到真皮層，咁樣有助刺激肌肉運動，達致緊緻肌膚，提升效果，好神奇。醫生話，阻止膠原蛋白流失其實從30+前就要做起，雖然本人已超齡數載，幸好底子應該唔差，療程幫我減淡紋理、美白淡班、保濕水潤、收細毛孔、撫平毛孔洞洞、緊緻提升、加促皮膚循環…………總之一系列30+女人面對嘅問題嘗試幫我一次過處理。 圖五、完成療程 總的來說，今次緊膚療程可謂服務周到，我成個公主咁俾人服待，再加上係新店開張，所有設備都係全新，真心一讚。老實講，今次我選做新張酬賓嘅單次試做療程，一次試做價，相比我喺名牌店買一支保濕精華仲平，宜家有少少膠原再生嘅感覺，遲下我可能會再返去Life Young試其他療程，或者考慮會唔會定期做「DEP無針注氧」。 圖六、等候區 呢幾日照鏡，見到臉上仍然飽滿又有光澤，毛孔感覺幼細咗，真心高興，可能真係膠原再生，可以同又黃又暗啞嘅30+暗瘡肌講再見﹗當然，我知道要保持好肌齡降至25+，更重要係要配合早瞓、多食蔬果、減少生活壓力等等啦。 圖七、等候區 圖八、美容房 回家後夢又係時候發完，從美容院一名公主降格到家中黃面婆。對，不在公司的時間就是黃面婆…又要照顧家中老小，stay tune..我會再同大家分享所思所想。
