小妹今朝早8:30上下就去排隊拎籌 🍞誓要將SAKImoto Bakery 原條吐司帶回家#文末食後感點擊圖片放大 +4 ✨介紹番先✨日本人氣吐司店SAKImoto Bakery 日前22號喺尖沙咀海港城開幕呢間生吐司專門店主打兩款招牌吐司～極生吐司 （單片$26/原條一斤$50） 採用日本北海道鮮乳及生奶油製作每日新鮮出爐 口感濕潤 帶點蜂蜜香🐝～極美吐司 （單片$24/原條一斤$45） 無添加蛋奶的湯種吐司 口感柔軟 散發小麥香🌾一斤嘅極生/極美吐司限供各250條！每人限購各一 約每一個半小時出爐40條客人可朝早9點攞籌 🕘 僅供外賣付款後 按籌號上指定出爐時間一小時內取❗️大家注意如over一小時取訂單會作廢而籌號係每日派完即止架 🤯另外 店鋪有自家出品手工果醬（$6x-$7x)有水果、牛奶、和風甜品系列 🍯熱賣口味如牛奶煉乳、伯爵奶茶、開心果、伯爵茶、覆盆子、石榴石草莓等🍓點擊圖片放大 ✨食後感來了✨小妹今次所買嘅係一斤極生吐司 🍞未切開 聞落去有淡淡嘅牛油香切開睇 麵包嘅組織非常細密幼滑 拎上手 水份較重 手感柔軟 ☁️食落去呢 比較想像中冇咁香甜喎 淡淡地不過口感有別於一般方包喺無烘焗嘅情況下 比較Q彈有質感有咬口一斤大約切到4-5片 想厚切就4片啦 咁樣就一定比買片裝化算啦 💵$10上下一片ok既 平時買個包都十幾蚊啦呢隻包會比較飽肚 唔似一陣風果d麵包💨但如果想試多款果醬 片裝會比較適合小妹喺屋企有跟佢堂食嘅＂九宮格＂食法先烘焗至表面微微金黃 輕輕劃開九份 再撕開一份份塗上唔同嘅醬享用 🤗 至於麵包係咪去到神級識飛 咁就一定未嘅不過幾十蚊 打個卡 想試亦無妨嘅～店舖：SAKImoto Bakery 地址：尖沙咀廣東道21號港威商場L3 3208號舖營業時間：星期一至日 9:00am-09:00pm#香港美食 #新店推介
