話說剛剛Karina放大假既時候就去左兩個旅行 分別係同媽媽去4日3夜既新加坡 以及男朋友仔去5日4夜既布吉 基本上Karina一向去旅行既方式就係兩個字“即興” 去布吉前一日都仲未決定去旅行既目的地係去布吉 當然酒店都係出發前一晚訂啦! 今次4晚入面我地轉左一次酒店 由於今次既旅行主要目的就係渡假 所以兩間酒店都選擇左渡假為主既resort 首先要為大家分享既係位於距離著名芭東灘約15-20分鐘車程既kata beach Katathani Phuket Beach Resort 由於出發時搭既係傍晚機 第一晚到酒店已經大概晚上既9點 Check in時會遞上welcome drink以及花圈 不得不讚係荔枝味既welcome drink完全就係我杯茶,大愛!!!! 之後就帶我地到房 我地訂既係高級標準客房 約港幣1000元一晚 大家睇完以下既文章就會知道係完全係物超所值!!!!! 一入到房發現係有兩張雙人床 間房都幾大,而且配有露台 不過因為係一樓既緣故,景觀唔算開揚 可惜男朋友就唔太喜歡兩張床 所以我同前台溝通,第2日我地就轉左去樓上既一間大床房 你睇下我地張king size bed大到佢伸直手腳咁長(男朋友178cm) 好滿意呀! 但個人認為呢間酒店既賣點並唔係房間 而係佢既850m既私人沙灘! 海灘只限定酒店住客使用,所以人數不多 而且不定時都有人清理,其乾淨程度係其它海灘唔能夠媲美 大家可以係沙灘租軟墊及沙灘傘(200thb) 但我就對於椰樹情有獨鍾 所以就選擇左泳池旁既沙灘椅攤屍 另外渡假村有一共6個既泳池 大部分都有海景 就算唔識游水既都可以係泳池邊望下海都幾正(例如我) 佢所有泳池旁都有酒吧 邊飲野邊欣賞海景,攤下訓下睇下書咁就一個下午 第2日我地仲一邊食住芒果欣賞日落! 真係好爽yy 我地基本上兩日都冇離開過渡假村 一日三餐都係酒店解決 酒店一共有6間餐廳 我地兩日既晚餐分別試左泰菜Chanadda 自助餐既Chom Talay 晚餐自助每日有不同的主題,可以向前台查詢,仲要有band show表演添 午餐我地就買左pizza pasta上房既露台食喇,超值 (我地轉左房之後係2樓,露台係望海架!!!!) 另外酒店係包早餐的 都幾豐富架,望既景更加一流添 如果大家住多幾日見無聊既話 仲可以參加酒店提供既活動 每日都有唔同既時間表,可以問前台,非常方便 例如yoga,thai boxing,thai cooking class,diving class...etc. 如果一家大細去都冇問題,仲有供小朋友玩既play house,一應俱全 如果大家記得既話 Kata beach同最旺既芭東區都有一段距離 酒店都有安排shuttle bus出芭東及patong town 但每日分別只有一班,而且每人要收取150thb,唔算太方便 今次旅程既重點就係男朋友生日喇 所以我偷偷地同前台聯絡,夜晚送上蛋糕 雖然唔算太好食,但唔緊要啦!都係形式姐。 另外酒店wifi方面亦係需要留意 除左lobby以外,resort其他地方wifi需要收費架 就係每日200thb,但由於生日trip,酒店就主動送左俾我地喇 整體黎講Katathani真係好適合渡假,而且性價比極高 基本唔需要離開酒店都唔會悶 有一種唔似係泰國既感覺 但Karina唔太建議俾第一次去布吉 或者每一日都有活動如出島浮潛,出芭東既人 訂各種酒店之前,大家可以考慮下自己既需要,究竟自己追求啲咩啦 Katathani Phuket Beach Resort 地址: 14 Kata Noi Rd, Muang 83100泰國 電話:+66 76 330 124 www.katathani.com/ agoda房價查詢 ❤❤歡迎產品試用或者出席活動等,請聯絡我❤❤ Email: kaikai0728@hotmail.com ❤❤Theztyle Elle UBeauty Imore Weshare❤❤ ❤❤Qooza Beauty Qooza Fashion & Beauty Beauty Life❤❤ ❤❤Myage She.com BeautyExchange Salad Blog❤❤