繼上次mac hual之後 今次就到Giorgio Armani喇，其實全部都係同一日敗番黎架 諗起都覺得恐怖 一提起armani，相信大家都會首推佢既粉底 無錯! 我就係買左佢喇 Luminous silk foundation #5 當時ba問我想要有光澤定啞緻既效果 我二話不說就揀左前者 如果乾性皮膚既我都好建議用佢 只需好少既份量就可以全面使用 即使用手都好易推開 但GA既粉底都有一個通病 就係較易氧化，大概半日塊面就會開始變得暗沈 不過喜歡透薄自然妝感既我就唔太介意既 Excess moisture rich lipcolor #500 Hkd260 本身目標係買另一支 但呢隻色一試上手就愛上左 係好特別既粉紅/peach色 好靚好靚!!!! 而且佢既texture好creamy，好易上色 Lasting satin lip color #rouge 400 hkd260 一直想搵個正大紅色，但市面上好多時都會偏橙或偏紫 有次見到個youtuber介紹 即刻就衝去買 結果佢真係冇令我失望，而且好long lasting 但呢隻色都幾缺貨，可能要等一等唔係即刻有貨 另外好值得一讚係佢既唇膏包裝真係好靚好高貴 當個cover就快合埋既時候，佢入面既磁石就會吸埋佢地 咁就唔怕唇膏放手袋既時候自己打開啦！ 送既Sample都唔少架 有一枝細既lip gloss，係我鐘意既大紅400號色 一枝細既mascara 一枝5ml Luminous silk foundation #5 香水sample x2 全部都好啱用!!! 每次入親GA都會有收穫 好恐怖 相信我短期內都係唔去探訪喇hahaha ❤❤歡迎產品試用或者出席活動等，請聯絡我❤❤ Email: kaikai0728@hotmail.com ❤❤Theztyle Elle UBeauty Imore Weshare❤❤ ❤❤Qooza Beauty Qooza Fashion & Beauty Beauty Life❤❤ ❤❤Myage She.com BeautyExchange Salad Blog❤❤
