登登!!! 相信日元持續貶值，大家旅遊既時候都會將日本排頭幾位 不過今次去旅行既並唔係Karina 而係我既男朋友 Karina今次冇假期冇我跟住去 唯有搵人代購啦hahaha 大家見到我既戰利品其實都唔少架 相信可以俾大家一啲買手信既主意 食既分別有上排既東東 除左必買特平royce朱古力之外 去日本當然要買香港冇架啦 如果唔係去759都得啦！ 男朋友最為推薦既係右上角既芝士條 出面有層類似魷魚絲既皮，入面有啲芝士 都真係幾好食 759都有，不過得細細包，仲要鬼死咁貴 所以去日本既可以試試 藥類 今次都只係落order要左枝暗瘡膏 呢枝好多人推薦 雖然Karina比較少生豆豆，但一生就會係世紀大毒瘡 一枝旁身都唔錯既 另外就係龍角散喇 對於初起既喉嚨痛比較見效少少 其實本人覺得效用不大，但媽媽就好鐘意 相信真係好見人見智 但都係建議多飲水啦！ 白兔牌美白丸 其實呢個唔係我order 但男朋友見我之前有食過，而且日本又平好多就買左俾我 Karina覺得一開始都幾有效架 不過要持之以恆日日食，到後期我有啲懶 所以效果都減弱左 但夏天又黎喇!睇黎我又要努力美白!!! 護膚品類 Kanebo SUISAI酵素洗顏粉 如果大家有留意我上次既【敗家文】福岡藥妝 戰利品2014 就知道佢係我回購既產品 基本上Karina好少用粉狀既洗面產品 但回購得就知我幾鐘意佢啦！ 唔好睇佢細細粒，但其實可以分兩次用 經常到外地留宿時，只需帶一粒就足夠早晚兩次洗面，方便極了 只要加少少既幾滴水再搓揉就可以有好多泡沫 而且佢洗完清爽之餘亦都唔會有崩緊既感覺 唯一就係價錢太唔可愛喇 作為洗面產品都真係太貴喇 DHC Lip Cream 呢枝出名就應該個個都知 日本買又平 不仿可以作為手信之選 化妝品類 SANA 柔和三用眉彩筆 其實我之前都有介紹過 懶人恩物 一物三用眉筆推介=加=眉妝教學∥自費 一枝有齊3個function 最適合我呢種想慳化妝袋空間既懶人 其實佢有好多色號 我今次要左個偏啡，咁遲下染左髮就可以用喇!! 大家都可以試下，好推薦呀！ 另外 大家係咪好好奇果盒橙色既係咩呢？ 登登~~~就係大名鼎鼎既白鳳堂喇 包都包得好睇啲(心心眼) 分別order左兩枝胭脂掃，一枝係正常size，一枝旅行收得埋既 同埋一枝細眼影掃 不過佢買滿10000yen就可以退稅 男朋友就作主揀多左一枝大眼影掃俾我 其實都真係幾大，一般較難用到 不過唔緊要啦hahaha 唔知大家留唔留意到圖�既美少女鏡盒呢？ 近呢幾年美少女復刻真係出左好多產品 男朋友知道Karina一直都好鐘意就偷偷地買左佢俾我 實際佢其實係一個earphone黎架!!!! 好靚呀！都真係唔係好捨得用。 P.s. Karina真心覺得男朋友仔好勁 send俾佢既佢全部都搵到 就連唔知係邊既白鳳堂都買到 仲要知我心意，買左啲我鐘意既野番黎 真心抵錫!!!!! 希望大家都鐘意我今次既分享啦！ 睇完可以俾個≈like≈我丫!!!! ❤❤歡迎產品試用或者出席活動等，請聯絡我❤❤ Email: kaikai0728@hotmail.com ❤❤Theztyle Elle UBeauty Imore Weshare❤❤ ❤❤Qooza Beauty Qooza Fashion & Beauty Beauty Life❤❤ ❤❤Myage She.com BeautyExchange Salad Blog❤❤
