好一段時間冇同大家分享敗家文喇 並唔係karina少左買野(我都希望) 而係儲埋儲埋好多都未有時間處理 2月可以話係大豐收 唔知大家有冇趁新年拆完利是就放縱一下呢？ 往往就會有藉口俾自己 事不宜遲 首先就係買左3粒眼影喇 Hkd150/ Hkd115 補充裝 3粒都係以啡色為主 本身想搵啲香檳色或橙色 但揀唔到，跟住就好不其然都會變成呢啲色 我都唔明 之後就係胭脂 Prolong powder blush - stay pretty Hkd165 補充裝 係一個好pink既胭脂，輕輕咁掃就可以做到白裡透紅 Powder blushHkd150 補充裝 Immortal flower 粉橙，當初想揀大路既peaches 但呢隻個ba姐姐推呢款俾我，話就快冇 所以就想特別啲揀呢隻 好膚淺 Peony petal 帶紫調既粉紅色 上左面都幾靚 其實pro唔prolong我覺得冇咩分別 我都係揀色 BTW相機有色差 MAC Mineralize Skinfinish Natural - Medium Tan Hkd275 本身想買medium 但發現佢轉左包裝後出多左隻新色 比medium淺一度 可以做到較自然既陰影效果 Sheen supreme lipstick - behave yourself Hkd165 幅大合照忘記左影埋佢 比平時既formula更滋潤更creamy 呢隻色一試就愛上左 你睇下幾pink幾靚 但唔知點解好唔捨得用 hahaha 唔知大家有冇留意我好多都係買補充裝呢？ 可能有啲人會覺得唔方便 但其實只要買個呢啲case放哂啲pan落去就得喇 Pro palette large/duo Hkd215 又慳位又更化算 因為補充裝size一樣，只係冇左個包裝但價錢就平好多 佢個設計都好userfriendly，兩面用得之餘中間仲有個間 唔怕會整到隔離 等得閒搵日將自己散裝既眼影都depot落去先 今次既mac hual就到呢度 下回預告……GA 希望大家可以繼續支持啦 ❤❤歡迎產品試用或者出席活動等，請聯絡我❤❤ Email: kaikai0728@hotmail.com ❤❤Theztyle Elle UBeauty Imore Weshare❤❤ ❤❤Qooza Beauty Qooza Fashion & Beauty Beauty Life❤❤ ❤❤Myage She.com BeautyExchange Salad Blog❤❤
