哈哈哈，上面呢張相係咪好搏打 其實我都唔係好識咬唇 不過大家見到個title可能會以為karina今日想教大家如果畫出韓國咬唇妝 大家誤會左喇，呢篇並唔係教學，而係想為大家介紹一個無需任何技巧都輕易造到咬唇既三色唇膏 不過介紹之前都會講解一下品牌背景 呢個亦都係Karina到韓國時購買既產品，係香港亦都冇咩人認識 -- VDL Cosmetics ，全名Violet Dream Luminous。乃韓國LG旗下最新的美妝牌子，去年才正式開幕。karina當日去到明洞分店選購，店內既顧客比其他品牌相比較為少，可能因為知名度未係咁高。 好～入主題。我想介紹既就係呢支 Tint bar triple shot （₩12,000） 一共有3隻色，而karina就分別買左#501（triple red）以及#601（triple peach） 不過呢兩隻有啲相類似，好想買埋另一隻桃紅色呀！！！（怨念） 唇膏設計非常特別，由3層漸變色彩組成 (室內影唔到效果,唯有頭先影多張,剛訓醒眼仲好腫,咩妝都未化就要塗唇膏!哈哈哈) 而用法非常簡單，只需直接塗上就可以造出漸變唇色。 如果上唇的話，紅色向下，啡色向上；下唇的話，即相反方向，紅色向上，啡色向下。 想立即咬唇又得～得左！而且滋潤度都唔差，唔駛擔心會好乾！ 又唔駛另外用粉底或遮暇膏遮唇色，又或者要用兩隻唔同色既唇膏，一支搞店哂！ 全無技巧可言！ 真係最適合懶惰既我，超級方便！ 另外我係VDL其實都仲有買其他野 之前上網睇過介紹VDL啲化妝掃 我都買左3支，左面既分別係濕粉掃，毛質真係超滑超滑 而且毛量都非常非常咁密，不過仲未有時間幫佢地沖涼，未知會唔會甩毛呢 中間既係blending brush，不過我打算用作打鼻影 仲有右邊既斜角眼影掃，好幼細，好容易可以畫到啲angle。 同埋見佢眼影特價，好似都係3千幾won 是旦就執左兩粒，一粒閃灰色，一粒matt既啡色 大家有機會去既就留意下呢個品牌 記得要試下佢既3色唇膏，真係十分推介！！ 地址：明洞2街52-11 希望大家會鐘意Karina既分享啦， 你既一推會係我出文既一大動力喔！ 待續....... ============================= 歡迎產品試用或者出席活動等，請聯絡我： kaikai0728@hotmail.com
