今次係想同大家分享一下我早幾日去左既高雄2日1夜trip 不過好似同個topic有咩關係呢？ 如果留意Karina既blog 都知我既頭髮好長，講起其實3年間除左得閒修一修剪，都冇咩大整理過 基本上除左長之外，就真係無型可言 今次就係經朋友介紹後，決定到高雄剪髮電髮 當日坐上約11點航班到高雄後 12點幾到達後先到酒店放低行李 再食少少野就出發去我旅程既主要目的地喇 Salon位於新崛江的一條小街，一點都不起眼 髮型師由討論髮型，直髮，電曲，染髮，焗油，以至如何打理頭髮 全程認真，絕無一絲既馬虎 雖則話慢功出細貨，但我一共坐了7個小時!!!!! 因為我短短既頭髮入面，其實包含左3種唔同既電髮，所以價錢亦都唔算平，而且中間有啲好得人驚(得意)既過程 當然最後結果真係好令人滿意 我相信係香港同等價錢做唔到既野 非常之物有所值 不過今次既重點唔係呢度 大家睇左咁耐之後仲記得我既標題嗎 如何讓剪髮變得有意義呢？ 就係將剪去既頭髮捐贈俾癌症朋友 讓佢地可以利用真髮去造假髮俾癌症病人 一直都有聽講可以捐贈頭髮 但直至我到呢個念頭，我先上網搵搵 不過只係搵到台灣同美國既捐贈機構 香港就好似未有 而我今次就揀左呢間 你睇幾大束頭髮 雖然剪完果下有啲心痛，但一諗到有機會幫到人就超開心喇!!!!! 包裝好就可以寄喇 你睇我笑得幾開心，超滿足!!!! 【切膚之愛基金會】 募髮條件： 1. 原生黑色髮，齊長30公分以上。 2.不染髮。 3. 不燙髮。 4. 自然捲或髮色偏紅者請於捐髮時說明之。 捐髮注意事項： 1.將頭髮洗淨吹乾。 2.將原生髮綁成髮束（髮量越多，可綁成多束）。 3. 剪下整束原生髮。 4. 直接捐至咱e厝病友中心或郵寄至咱e厝病友中心。 捐髮粉絲專頁：一束髮，一分情～響應捐髮，立即行動！ 捐髮方式：（粉絲專頁上的說明） 直接將髮束裝在袋子裡，捐至或郵寄「切膚之愛基金會咱e厝病友服務中心」 （請註明捐髮者姓名、電話、地址）。 洽詢電話04-7238595、04-7238595轉4537、1052 郵寄地址：彰化市旭光路175號3樓 雖然香港暫時未有同類機構，寄到台灣既步驟又有啲煩瑣 大家可以將募捐頭髮既訊息推廣開去 令更多人知道呢個咁有意義既活動 最後都係要講句 我真係好鐘意我既新髮型呀!!! 希望一直都唔好長啦!!!HEHE ========================= 歡迎產品試用或者出席活動等，請聯絡我： kaikai0728@hotmail.com
