好開心可以抽中 「Telford Beauty 試想賞」活動中Lancôme尊貴禮品套裝試用，一套三件新品。 咁就獻上人生第1次既Lancôme。 《Teint Visionnaire 多元分子雙層零瑕粉底液》 ($490/ 30ml 共6款色) 試用次數：3天 獨有既雙層設計，上層遮瑕膏，下層精華粉底液，非常特別。適合懶人一次過完成整個底妝！ 而且設計非常貼心，上層打開後會有小小既鏡子，方便出外補妝 首先，下層精華粉底將多元分子修復精華成分注入粉底，化妝同時護膚，保濕度高，適合秋冬乾燥天氣 同時都適合屬於乾性皮膚既我。 Karina今次收到既係PO-03號色，顏色冇得揀， BA指出呢個係自然色，好彩我都ok。雖然淺一度會比較適合 哈 粉底非常水潤，好易推開，只要用手都能夠輕易打造透薄妝感 而且其遮瑕度實在令人驚訝，薄薄一層已經可以遮到大部份既黑眼圈，面上瑕疵同鼻翼紅印。大愛！ Karina試用既3日都出外超過8小 ，鼻翼兩旁雖然都有浮粉既現象，但其他部份都keep得好好，冇咩出油，持久力強！ 另外上層既”Tone to Tone”同色系遮瑕膏。其維他命CG護膚成分，能改善色素沉澱問題。karina平日主要用作遮黑眼圈同鼻翼既紅印。 但一試上手，遮瑕度係唔錯 ，但感覺有啲乾，若用於黑眼圈位置容易出現眼紋。建議妝前可以多加眼霜保濕。但由於粉底遮瑕對我黎講已經好足夠，所以我只係用指尖薄薄咁印左一層。 ======================================================= 《Hypnôse 5-Color Palette幻醉雙效五色眼影》 $420 使用次數：2次 HYPNÔSE幻醉雙效五色眼影一共有9色 而我收到既係以啡色為主既STAR-ST1，係我平日最喜歡既自然色系。 今次Lancôme以嶄新乾濕兩用配方重新演繹眼妝，可隨意調節眼影的濃淡度，只需將海綿眼影掃沾濕然後塗上眼影，即可加深眼妝效果。另外，眼影還配合貼心的磁力 影掃，讓眼影掃固定在盒內，唔怕啲掃會唔見哂！非常適合大頭蝦既我！ 此外，盒內有Lancôme既教學彩圖，簡單易用，可以跟住教學逐步搽上眼影 輕易朔造出日夜唔同既妝感。 咁就完成整個妝容喇!! 最後，記得出門前再塗上少許Lancôme全新La vie est belle Légère。 Karina本身好少用香水，唔太接受到啲太濃或成熟既味道。而它淡淡清新既花香，但又帶少甜味，非常自然，好適合我既口味！ 再一次多謝Telford Beauty可以俾到我今次機會，一次話試哂Lancôme3款新品，真係好喜歡！ 希望大家會喜歡我既分享啦！ ============================= 歡迎產品試用或者出席活動等，請聯絡我： kaikai0728@hotmail.com
