我今次想同大家介紹一下一個品牌 Primera 呢個品牌可以話係Karina大出血既地方，我基本上都將佢成條line既護膚品買哂（其實都略嚴唔夠） 本身都係朋友介紹我佢既peeling好用，但去到不知不覺就買左咁多，真係好得人驚 大家可能會問，係咪個職員好hard sale？ 並唔係。 果日舖頭入面並唔多人，但識講中文既職員就只得一個，就serve緊另外兩位香港女生。 Karina去到就唯有自己周圍試，卻發現除左peeling以外好多產品都好吸引。 到職員可以得閒既時候，佢好比心機咁同我逐一介紹啲產品，連peeling都可以用旁邊既洗手台試，感覺非常舒服 而且佢好多產品都做緊promo，所以係咁舒服既環境下，我就買左咁多。哈哈哈哈 ∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞ 香港暫時都仲係冇咩人認識Primera呢個品牌，所以都同大家介紹一下 Primera係以無色素，無香精，溫和不刺激作為賣點。 天然有機植物Primera同屬愛茉莉太平洋集團旗下牌子，與雪花秀、Innisfree、 Laneige、Etude House同公司。 品牌的護膚品是全世界首次用植物「發芽」的技術引入品牌中 而植物在剛發芽時，無論維他命和礦物質也會約增達一倍之多！ 而且Primera部份產品更獲得Ecocert認証 (Ecocert是全球最高榮譽BIO認証)， 連BABY都可以用，絕對用得安心又放心 ●○●何謂歐盟ECOCERT最高榮譽Bio認證？ 全世界唯一制定含水後之最低有機植物比例標準，確保產品最高品質 為全世界標準最嚴格及獲得最多國家認可之有機認證標章 ●○●如何獲得歐盟ECOCERT最高榮譽Bio認證？ 產品總成份中最少95%為天然成份（包含水份） 總成份中最少10%為有機成份（包含水份） 總植物成份中最少95%為有機成份（不含水份） 禁止使用化學人工防腐 禁止使用動物實驗 必須使用環保回收包裝材質（大部份產品更用玻璃瓶，重死我） 製造規格、過程都還不能受到污染且尊重環境等等 ∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞∞ 首先為大家介紹既係 Facial Mild Peeling 溫和角質調理晶露 150ml/₩30,000 溫和去除肌膚表面污物和老廢角質以改善膚色 並獲《Allure》最佳去角質美容品第1等獎 Peeling佢有兩隻，但karina本身屬乾性敏感性肌膚，所以佢比較推薦呢款 另外呢3支都同屬植物精粹肌膚護理系列 - 適合所有肌膚類型 Water 滋養水（即toner） 180ml/₩28,000 Emulsion 護膚乳 （即乳液） 150ml/₩28,000 Cream 面霜 50ml/₩30,000 不過做緊promo，買cream同emulsion送toner，好抵 另外仲有一set Miracle seed essence 即神仙水（新出架） 150ml/₩45,000 當場試既時候感覺好清爽，並唔會好“立”，而且話9天內締造透明潤澤肌膚，好吸引。 等我試埋睇下效果如何再同大家分享啦，話哂價錢都唔平（成3百幾港幣） 水瀅系列 - 適合乾性肌膚 Alpine berry watery cream 高山漿果水瀅面霜 50ml/₩35,000 呢個都係佢地既皇牌，銷量第一，非常之水潤 （今日經過太子一間水貨店佢地都入左呢隻品牌既產品，好奇一問，竟然要hkd378！食水都真係幾深！所以大家如果真係要買就gmarket搵搵或者搵朋友韓國買啦！） 當時買以上兩款既組合，即送5張價值₩4,000一張既Alpine berry watery hydro gel mask （保濕） 款式仲可以自己揀，Karina當然揀番保濕啦 最後再執左包mask Seed and Sprout Energy Mask - Surgar-apple seed (lift-up) ₩2,000/piece 買10送2 當然我都係買左一pack 佢所有既包裝都加入左環保既概念 全部既包裝都可以拆開，變成說明書，而且有齊韓文，中文同埋英文。唔怕睇唔明！非常好既設計！ 當中有3款屬於店內既明星產品，分別係peeling，watery cream同埋Treesap Prime Serum (好後悔冇買埋！） 3款都獲得Best of beauty既殊榮！ ●○●何謂最佳美容產品（Best of beauty)? 通過參與人數達4000多人的在線投票，和40多人的盲測方式選出來的大家最喜歡的美容品 另外佢送既sample真係都幾多，一啲都唔吝嗇 所以話，Primera呢個品牌係香港並唔未有好大既名氣，但其實佢地既產品一啲都唔小野！ 雖然出血嚴重，但我令我最興奮最滿足既收穫就係佢。 所以好愛佢，好想更多人可以認識呢個品牌！！ 唯一缺點就係佢價錢實在係韓國品牌中相對貴既，但似乎都係物有所值既。 大家有機會去首爾都可以試下去睇下 等我再試清楚啲再同大家分享下！ （btw連品牌都係新加既分類，相信都無人介紹過） 地址：55-11, Myeong-dong 2-ga, Jung-gu 明洞大街，好易見到架喇 最後送上自戀自拍照一張！哈哈哈 今次真係超俾心機寫，希望大家會鐘意Karina既分享啦， 你既一推會係我出文既一大動力喔！ 待續....... ============================= 歡迎產品試用或者出席活動等，請聯絡我： kaikai0728@hotmail.com
