其實基本上我亂黎，諗起打咩就打咩，所以冇咩系統 希望大家唔好介意啦 打頭陣既戰利品介紹就係我啲首飾-耳環!!!!!! 係香港如果要買對so called韓國耳環都可能要成廿幾30蚊 仲要唔知係咪真既韓國耳環 諗落都嬲嬲地 但今次去韓國買既全部都好平，好開心 首先打頭陣既係我買得最貴，亦係我第一對買既耳環 購買地點：弘益公園（自由市場） 價錢：10,000won 好閃既黑色鑽石型耳環 ======================================== 另外稍微為大家介紹一下自由市場 自由市場只有係每年既3月至11月，逢星期六下午1點至6點先至開放 入面全部都係小小既攤檔，賣既大多都係都是年輕藝術創作者親手製作既小手工，有銀包、帽、飾品、筆記本等等 有啲你仲見到佢係度“聯”緊 仲有幫人畫人像公仔，唱歌表演 雖然係度唔係話好買到野，但個感覺真係好得意，好熱鬧 所以如果有打算去弘大既話，都好建議安排係星期6去，順便去一趟自由市場 交通： 首爾地鐵至『弘大入口站』9號出口 出來後直走第一個大十字路口左轉直走，見到有個information centre就啱喇，跟住會有少少斜坡 到弘大正門時右轉，走右前方小路上坡後左手邊就到弘益公園喇！ Oh..我離題了 =============================================== 繼續我既耳環戰利品介紹 價錢：1,000won each 購買地點：弘大停車場購物街 呢5對我都係同一間店買既 不過我冇影到店舖，做唔ref.俾大家 不過只可以講，呢條購物街真係好好行，早知第1日就黎行啦 ===================================== 價錢：1,000won 購買地點：弘大一間首飾店 交通： 首爾地鐵至『弘大入口站』9號出口 出來後馬上左轉，直行至大街會見到右手面轉角位有間innisfree，然後右轉 我都無影到個門口，但大概係丸龟制面旁既一間首飾店 好推呀！！！ 呢度既耳環真係好靚，一個唔小心手滑就買左10對，都只係total 70蚊港幣，超抵 同埋唔覺唔覺揀左好多都cutecute既，點解會咁架？！！ 點擊圖片放大 +5 (睇黎我真係好鐘意紅色遮色,竟然買左隻類似既都唔知 ) 點擊圖片放大 不過真係好建議大家買呀，quality都好好架，唔似大陸野 都係果句，7蚊雞一對，仲想點丫，哈哈 下次再同大家介紹一下我買既其他戰利品啦 希望大家會鐘意Karina既分享啦， 你既一推會係我出文既一大動力喔！ 待續....... ============================= 歡迎產品試用或者出席活動等，請聯絡我： kaikai0728@hotmail.com
