今次想同大家分享一下我9月9號去左既首爾瘋狂購物之旅，15號先番黎，足足去左7日，有夠恐怖 但因為怕如果行化妝護膚品店或者行街買衫會悶親男朋友，所以我自己就早兩日先出發，買哂要買既野先 誰不知冇人睇住係唔work架 話說對上去韓國已經係2年前既5月喇 我一直都唔俾自己去韓國，怕自己會失控，事實真係咁== 但今次去到6號都未決定到放假去邊，咁睇世界天氣報告 基本上成個東南亞地區成個星期都落雨，日本仲水浸添，相對好已經係首爾，所以就好突然咁決定左去韓國lu。6號決定，7號訂酒店，8號晚已經上機lu. Hahaha 而男朋友就只係拎到11至15號假，所以就後join喇，我都係第1次自己搭飛機自己去旅行咋 我擔心既野始終都係應驗，今次真係可以用瘋狂黎形容 第一日我首先出發左去明洞,企圖一次過買哂啲野佢,當然係FAIL啦 自己一個拎真係重到痴線，係咁一路行一路自言自語（當然係講粗口啦 哈哈哈哈哈） 旁邊啲人經過一定會以為我買到癲左 不過一個朝早已經買到重到郁唔到, 要搵間coffee shop抖下 兩日就已經爆左30吋GIP.....CRAZY 不過我啲戰利品實在太多喇，都未好好咁整理哂. 俾大家睇睇大致個敗家情況啦，基本上全部都係我一個人既 好想每一樣都同大家好好咁介紹下，但實在需時，大家俾少少時間我啦 最後我番黎係有成31kg...當然有啲已經分左俾男朋友拎，太重喇 待續...... ============================= 歡迎產品試用或者出席活動等，請聯絡我： kaikai0728@hotmail.com
