呢間燒肉店係牛大人嘅姐妹店,主打任食燒肉吃到飽!星期六去咗食午市嘅澳洲M5和牛套餐,每人$388,價錢都算合理,因為食物選擇超多,牛肉豬肉海鮮小食樣樣都幾好食! 呢度有好多調味料配燒肉食,黃金醬都幾特別!仲有五味醬!仲可以拎生菜包燒肉食!佢哋個黃金泡菜都可以試吓,同韓國泡菜唔同~試咗幾款肉,每樣講下有咩好食~ 🔸嚴選牛舌芯呢款係每人送2件,無得任食~ 牛舌芯好爽口! 🔸澳洲M5和牛肩胛肉係比較細塊嘅肉,雪花均勻,薄薄地好快熟,肉質軟腍!味道幾好,但如果想食有啲咬口嘅肉,呢款就唔係啦~🔸安格斯牛小排呢款size大少少,係長方形,肉質都好腍,有咬口多少少🤏,幾好食! 🔸三角牛肩肉呢款比較大塊,肉質腍中帶爽,鍾食有啲咬口可以揀呢款!🔸極黑牛肩胛呢款脂肪無咁均勻,肉質較實!🔸安格斯牛板腱呢款無咩大印象,應該普通😂🔸鹽燒牛舌覺得太細塊,無咩咬口~ 🔸原住民鹽燒豬肉淨係試食呢款豬肉,幾好食!豬肉爽口,燒到香噴噴好正!點擊圖片放大 🔸海鮮推介爽彈虎蝦、中卷,好彈牙爽口!帆立貝、鹽蒜燒生蠔都ok~點擊圖片放大 🔸小食台灣腸、豬肉乾、台灣小枕頭、烤魚乾都幾好食! 🔸熟食推介鴨舌、澎湖花枝排、梅山酥炸薯 🔸甜品每人可以揀一款甜品,有芋圓仙草同Haagen Dazs~ 第一次食呢間燒肉,覺得都幾唔錯!選擇好多,有啲食物仲幾特別!🔹安平燒肉 (旺角)旺角彌敦道593-601號創興廣場9樓