呢間餐廳日頭係Cafe，夜晚變成酒吧餐廳～ 門口係啡紅色嘅磚牆，特別顯眼！環境都幾舒適，又有打卡位，一樓座位好啱三五知己聚餐～ 食物主打西班菜～ 二人晚餐都幾抵食，有四款頭盤、一款意粉同一款主菜，兩個人都可以試多幾款食物😋 🔹Dinner Set (兩位用） $488▫️頭盤 🔸蒜片欖油大蝦有6隻大蝦，十分之爽口彈牙！蒜片超香，加埋欖油一齊食，軟腍香滑～ 🔸煙三文魚蕃茄牛油果沙律好鍾意呢道頭盤，牛油果醬好creamy，味道較為濃味～煙三文魚份量都唔少，蕃茄仔好新鮮！ 🔸西班牙青椒仔第一次食，唔辣，幾香口唔錯！ 🔸伊比利亞火腿忌廉薯餅外脆內香滑，薯蓉好creamy~ 配火腿更滋味！▫️意粉 🔸明太子忌廉煙肉菠菜大蝦扁意粉意粉三選一，身為明太子迷，見到有明太子必點！整體味道係忌廉味重啲，明太子味唔太突出，但都好好味！加咗煙肉同菠菜，仲有大蝦同三文魚子，口感幾豐富！大蝦又係好爽口，意粉軟硬度剛好，掛滿忌廉汁好好味～ 好睇又好食嘅一道菜😋▫️主菜點擊圖片放大 🔸慢煮焦糖豬腩配香烤飯團及炸藕片主菜三選一，見到呢個配搭幾特別就揀咗～味道都幾好，慢煮焦糖豬腩好軟腍、好入味，雖然係腩肉，但唔會覺得好肥～ 香烤飯團外焦脆面裡面軟糯，幾香醬油味😋 炸藕片好香脆！▫️Cocktails🔸Scarlet Lady $108🔸Tipsy Matcha $128 呢度都幾啱同朋友飲返杯傾下偈～ 佢哋嘅cocktail同cocktail都有好多款，試咗呢兩杯，個人比較鍾意Tipsy Matcha，有西柚、檸檬汁嘅清新，又有宇治抹茶嘅香濃，Vokda酒味唔算太濃，少飲酒嘅朋友仔都啱飲～仲有一粒抹茶蕨餅，好飲又好味😋Scarlet Lady都好打卡able，有泡泡同玫瑰花瓣，感覺酒味濃一點，但都係好易入喉～ 🔸Tiramisu用小木盒裝住，上面有少少紅豆蓉同士多啤梨～Tiramisu超幼滑，甜度啱啱好，好味！食物飲品質素都好好，環境又舒適，係一間幾高質嘅Cafe，推薦👍🏻
