如果大家有朋友由日本番嚟，食得嘅手信都嚟唔開日本草餅，元貝，朱古力等等，但係去沖繩就一定唔可以淨係買禁少！以下就為大家介紹7種好又沖繩特色，沖繩限定嘅野食，大家有機會去一定要買嚟試下! 沖繩嘅零食手信來來去去都係圍繞紅薯、黑糖、雪鹽、菠蘿，我都買左唔少，等我逐一為大家介紹下啦! 去沖繩其中一樣一定要試嘅野食---紅薯撻~係將一啲紅薯味嘅陷料唧上曲奇撻底，一咬落去質感一般，但之後淡淡嘅紅薯味就慢慢滲出嚟，好香好特別，Size唔算大，唔會太Heavy，個人推薦最出名嘅御菓子，味道偏淡，有獨立包裝，有6/12/18個一盒~如果想要甜少少嘅可以試其他牌子，御菓子已經係最淡味架啦~ 依盒就係比較新派嘅撻，除左最傳統嘅紅薯之外，仲有黑糖同雪鹽，黑糖味唔錯，但雪鹽就稍為淡左D，不過點都係紅薯味最好味^^除左依三隻味，其他牌子仲會出士多啤梨味，菠蘿味，綠茶餐等等，唔鍾意紅薯嘅可以試下~ 講到紅薯，又點少得紅薯片呀~依款黑糖味紅薯片又脆又香紅薯味，夾埋每塊紅薯片上嘅黑糖，真係好好未，仲要非油炸，唔肥膩得嚟又健康，推介！ 講到沖繩另一種特產黑糖。係沖繩隨處都見到唔同由黑糖整嘅製品，但要留意沖繩黑糖比其他黑糖特別濃味，特別甜，食唔到禁甜嘅朋友我推介依款薑味黑糖，薑嘅辣味中和黑糖嘅甜味，真係好夾好甜>< 另一樣人氣手信---雪鹽餅，雪鹽係一D細粒到好似雪粉嘅鹽，而鬆脆嘅雪鹽餅細細塊入口即熔，又有淡淡嘅鹹味，香味出得嚟又食得到雪鹽味！ 菠蘿係沖繩都係出名嘅出產，有大大小小嘅菠蘿園，而依款攞哂獎嘅香檳菠蘿蛋糕更加係代表之作，鬆軟嘅蛋糕，配合好香嘅香檳同菠蘿味，加埋一粒粒菠蘿，令個蛋糕有菠蘿味得嚟又吾會太甜~ 依個菠蘿批嘅皮好脆，又唔算太厚，批皮入面就塞滿哂嘅菠蘿粒，菠蘿陷同菠蘿蓉，非常香嘅菠蘿味，焗熱嚟食又得，雪凍食又得，兩種食法各有角色，凍食就較適合宜家夏天食:)
