今次旅程大概2-3小時路程有好多嘢睇⛰奇石一舊大過一舊!登上魔爪石！研究骷髏石和狗頭石！舂坎山同赤柱一樣都喺一個半島，一路行都好開揚，一路都望住個海～最後去舂坎角炮台睇日落～落一個水平線岸邊望住個日落完結旅程真心係靚到飛起，笑到見牙唔見眼😻🤡 地點：舂坎山（港島南-舂坎角）打卡點：魔爪石, 骷髏石, 恐龍仔石, 狗頭石, 舂坎角炮台和哨站, 隱蔽瞭望台和石崖邊距離：2KM須時: 2-3小時路徑起點：舂坎角道避車處路徑終點：舂坎角護養院喺香港站/中環站出發！交易廣場搵6X巴士，舂坎角沙灘下車 往護養院方向走2-3分鐘，山徑入口不明顯，在一個避車處後端 一開始已是攀石，但難度不算太高，但大家要小心呀！ 開始咗15分鍾已經見到魔爪石！依個位置有啲危險，要過去魔爪旁不容易，爬魔爪石更難，我喺岩岩有一位有經驗人任教導下先上到魔爪石，大家要量力而為！！點擊圖片放大 跟住繼續山路上，沿途路徑有啲唔明顯嘅位，大家要睇地圖行，有絲帶輔助的 由起點行半個鐘左右會去到山頂附近範圍，已經唔洗再攀升啦，舂坎山只喺131米高～我哋會見到骷髏石，不過我覺得佢似人面～！ 旁邊喺恐龍仔石( 我自創嘅名）真心好似，好可愛！相中嘅我喺度扮幫佢刷牙，好搞笑XD 下一舊喺巨型狗頭石, 又真心似嘅！不過要遠望，太近會唔似 不知不覺已被海重重包圍，好靚嘅無敵海景！點擊圖片放大 再半小時會下山，去埋旁邊嘅舂坎角炮台，最住觀日落位置！靚到笑 遠觀見到喺石崖邊架 最後最佳觀日落（仲要喺無人同你迫）喺炮台旁行去！ 真心真心好靚同無人！（重點要講三次，無人！無人！無人架！）應該都喺一個哨站 令人心醉嘅日落西山畫面～！點擊圖片放大 **影片當中會有非常詳細嘅交通＋路線教學！**👇🏻👇🏻👇🏻影片連結：👇🏻👇🏻👇🏻https://www.youtube.com/watch?v=bgQFO935lHY------❤️訂閱Youtube 頻道：https://www.youtube.com/channel/UCOfdc0MtMGhJzCF1HDYNkLw/?sub_confirmation=1❤️Follow IG:https://www.instagram.com/karen.karenlaw/
