大棠我就去過好多次，最近發現原來大埔烏蛟騰有巨型紅葉樹群真係超大棵見到開心到跳起～！重點係落小巴行10分鐘內已經見到 ！！睇唔睇到相中嘅我哋？你就會知道紅葉樹究竟有幾大啦～ 前往方法：大埔墟站A出口乘坐20R小巴，總站下車注意小巴班次十分疏，必須要先查看時間表！！！！點擊圖片放大 如果好似我哋咁，一場去到想行吓唔好淨係睇完紅葉就走的話，可以由烏蛟騰行入三椏，需時兩個鐘，輕鬆路線平路為主。 行2小時到三椏- 一個好靚嘅世外桃源，好推介大家去！ 有大量紅樹林，蘆葦田，平靜嘅海灣就好似外國湖泊一樣！處處都係打卡位～ 三椏村碼頭喺好靚嘅打卡位！！ 三椏有士多做補給，士多食物種類好多，仲有客家菜。 打晒卡可以沿路折返去烏蛟騰（1.5-2小時左右）。或者選擇一條會上山腰嘅山路返去烏蛟騰，景色好靚睇到周圍嘅山脈架！ -------路程：烏蛟騰-九擔租紅葉樹-苗三古道-三椏-犁三古道-烏蛟騰起點/終點：大埔墟火車站路程：~9公里須時：4-5小時難度: 非石屎路，但難度低，適合新手補給：2小時後到三椏有士多，士多提供不少食物選擇------影片當中會有非常詳細嘅交通＋路線教學！影片連結：https://www.youtube.com/watch?v=HbMyRHGwsmQ------❤️訂閱Youtube 頻道：https://www.youtube.com/channel/UCOfdc0MtMGhJzCF1HDYNkLw/?sub_confirmation=1❤️Follow IG:https://www.instagram.com/karen.karenlaw/
