餐廳室內環境好有氣氛, 好有格調, 適合二人浪漫晚餐或同好友聚餐～ 食飯前, 先飲罐 Lost Stars x HK Lovecraft <#飲啦孝順>! 🍺碌柚葉雞尾啤 - 入口有清爽既感覺, 有接骨木花香氣, 甜甜地, 口感輕盈 //威靈頓牛柳配法式伯那西醬 (二人前)//製作需時, 但好值得等待, 因為超級好食, 大力推薦👍🏻!酥皮好鬆化, 但唔鬆散, 厚薄均勻, 菌醬緊貼酥皮, 又帶菇菌香氣~ 威靈頓牛柳會配上意大利鮮香芹及甜醋初榨橄欖油, 牛柳好粉嫩, 肉味濃, 肉質超鮮嫩, 肉汁相當豐富, 個人覺得唔洗沾醬汁都已經好好食😋! //米蘭烤龍蝦 • 手製寬條麵//烤龍蝦上面佈有半溶芝士, 龍蝦新鮮, 肉質彈牙🦞。寬條麵上淋上12小時淆製既赤米蟹膏龍蝦汁, 食到蕃茄醬汁味, 酸甜之間又帶點芝士既鹹香。寬條麵掛汁, 帶點嚼勁, 滲著小麥味及蛋香。 //36小時海鹽風乾種子薄脆配羽衣甘藍沙律🥗//沙律伴上印度芒果油醋汁, 海鹽風乾種子薄脆好香口, 蕃茄味好香, 微酸既蜜柑及紅石榴令人開胃。 //韓國松葉蟹膏龍蝦湯//龍蝦湯質感滑稠, 味道濃郁, 香味十足! 配上牛油烤脆包, 好味😋!
