放假其實除左去外地旅行同行街外， 係香港都仲有好多選擇既~ 今次帶大家黎到olovo南岸酒店輕鬆一下！！ 依間酒店位於工廈林立的黃竹坑， 點解地點咁特別？ 因為依間酒店前身都係工廈來的~ 平時酒店一入已經係reception， 但係依間酒店係要搭lift上到1樓先到reception的~ 酒店設計好前衛， Lift門一開見到一樓係紅色燈光， 仲要隔離見到個人既比例的人型公仔， 有小小嚇一嚇！！ 酒店的擺設相當多， 而且大堂不像其他酒店十分光亮， 在走黑暗情調感覺呢！ 一入到房，相當靚~ 直望見到一張大床， 十分舒服，而且都很整潔！ 轉個彎可以見到電視機、櫃及廁所入口， 電視都不小架，可以拉出黎並調較角度， 方便訓係床到睇電視~ 而且電視連接Apple TV, 有用Apple產品的朋友就可以好方便地連接到電視睇片、打機及上網…… 電視下的櫃都有好多野架！ 首先講下個雪櫃仔先，裏面有水有氣水有啤酒有果汁，全部都是免！費！的！ 之後枱上有一袋零食都是免！費！的！ 櫃筒仲有一些用具同茶包擺得超整齊！ 入到廁所，廁所空間都不錯，不會感到很逼~ 而且都很清潔~ 等等！？沖涼的地方呢！？ 原來沖涼的地方在房間的另一邊， 空間十分大， 不過我喜歡浸浴多一點＞＜ 點擊圖片放大 +3 依間酒店都包左好多免費服務架！ 6:00-8:30pm都可以去到酒吧飲下免費酒或茶， 大部分飲品都係免費架！ 睇住日落同夜景休息下傾下計， 真係好寫意！！ 點擊圖片放大 第二日既自助早餐都係免費架！ 有熱食有凍食有中式有西式， 雖然款式唔係話超多， 但早餐黎講都足夠了:) 餐廳環境好靚好光亮， 如果個日唔係太熱的話仲可以選擇坐出面花園食的:) 如果覺得免費的食品唔岩食或唔夠飽都可以加錢叫食品食架， 價錢都唔係話好貴， 不過我就無叫到了~ 總括黎講我十分滿意依間酒店， 價錢合理，亦都包括很多免費設施及服務~ 如果想星期六日放鬆下， 可以選擇下到酒店玩下架~ contact me: Email：karen.k_12@yahoo.com.hk FB : https://www.facebook.com/karenkbeautyworld Other Blog: http://www.theztyle.com/home.php?mod=space&uid=80384 https://blog.ulifestyle.com.hk/blogger/karenk/ http://blog.she.com/karenk/ http://beauty.qooza.hk/u/karenk12/shares
