起身第一時間就係去廁所同洗面刷牙， 我用依支洗面泡泡， 貪夠方便同埋清潔能力都不錯的， 每日用的話都是一個平價選擇！ 大概60幾70蚊一支，在萬零買的！ 洗完面刷完牙之後就倒一大杯水， 補充返全晚失去左既水份~ 通常我會同時食埋維他命b & c~ 我依家食既份量就係b及c各一粒， 我之前係跟包裝所寫的每日食兩粒。 但食耐左發現皮膚顏色都變黃左， 依家減左份量就好好多了！ 之後就做我每日最鐘意既野， 就係整果汁啦！ 材料就係士多啤梨，膠原蛋白粉同香蕉~ 有時會加埋藍莓及紅莓~ 首先加大概4-5粒士多啤梨 之後倒入膠原蛋白粉 最後加入香蕉同水就可以拎去攪了！ 依個就係我個早餐了！ 飲完之後真係可以令到腸道更暢通架!!! 我會一邊飲一邊開始我早上的護膚程序！ 首先用依支kiehl's爽膚水，係我近其最愛！ 之後就用CNP既精華，唔好睇佢似cream咁，其實係精華來的！好 小好小份量已經可以用晒成塊面了！都幾潤架！ 每朝早隻眼都會腫腫地，其實都唔關訓唔夠即事，就算我訓12個鐘都係腫。 我就用依支DSC眼部精華碌幾碌，支精華個頭冰冰涼涼，有效消腫架。 我主要係碌眼肚位置，反覆碌幾下之後就打圈成隻眼碌！冰冰地好舒服！ 之後就搽eye cream鎖返精華的水份~ 我係用missha的eye cream, 平平地，不過不失~ 最後搽埋day cream就可以開始日常化妝了！ 我係用白肌精依個cream的~在台灣買好平，而且都幾舒服，唔會有黏既感覺的。亦都很鎖水。 暫時分享到依到，遲啲再分享下平常妝容啦！ contact me: Email：karen.k_12@yahoo.com.hk FB : https://www.facebook.com/karenkbeautyworld Other Blog: http://www.theztyle.com/home.php?mod=space&uid=80384 https://blog.ulifestyle.com.hk/blogger/karenk/ http://blog.she.com/karenk/ http://beauty.qooza.hk/u/karenk12/shares
