我自己都幾鐘意用台灣面膜架！ 一來質素不錯， 應該做到的補濕效果都可以做到~ 二來價錢平， 係成日敷面膜的人的首選！ 以下落黎會介紹3款可以輕易買到的面膜: 1. Lovemore天山雪蓮面膜 $5x 依盒聽人講過好多次了，一直都想試的，好幾次走到去龍城買都咁岩缺貨！最後係網店figershop買到了！ 依隻面膜的成份主要以中藥為主，有白茶、牡丹、珍珠粉同銀杏。 所有成份感覺都很天然，皮膚的負擔好像無咁大，因為我都幾怕好多化學成份的護膚品的~ 依隻面膜係用蠶絲面膜，所以真係好貼簿，比平時用的面膜更舒服及貼面！ 用完之後，面部就唔覺得有特別亮白效果，但係都很補濕，精華都容易被皮膚吸收到的！另外岩岩敷完的毛孔都有調理左的效果，係有細小小的。不過真係要keep住成日敷先有效！ 推介分數:8/10 2. Sexylook 極美肌深層亮白純棉黑面膜 $6x 在台灣買的，大概250蚊台幣。棉質面膜，有別一般的面膜，依個係全塊黑色的，敷係黎都幾怪(可能我未試過用其他顏色面膜)！ 依塊面膜敷完後真係會有亮白效果，但只係短暫的亮白，通常到第二朝又唔係好覺得有白到了。 保濕效果一般，內裏精華不較多，如果可以多點精華應該會好一點！ 推介分數:6/10 3. 森田藥粧 蝸牛修護原液面膜 $7x 我覺得依款面膜真係好抵，大概70蚊就可以買到10片了！ 依隻面膜的紙質一般，不是特別薄或厚。 我覺得佢都做到所提及的柔嫩、緊緻、保濕肌膚的效果。敷完之後感覺皮膚真係好似緊緊地，但又唔係唔舒服個鐘感覺！而且摸上手好柔嫩舒服！ 另外內裏的精華真係極多，我會將精華搽埋手腳，通常搽晒都仲有多。 推介分數:10/10 contact me: Email：karen.k_12@yahoo.com.hk FB : https://www.facebook.com/karenkbeautyworld Other Blog: http://www.theztyle.com/home.php?mod=space&uid=80384 https://blog.ulifestyle.com.hk/blogger/karenk/ http://blog.she.com/karenk/ http://beauty.qooza.hk/u/karenk12/shares
