身為眼線控的我， 每次出街除了眉外，一定要畫的就是眼線！ 一條好的眼線可以令到個人成個感覺更加精神，而製造好的眼線的必要工具就是眼線筆了！ 常買眼線筆的我會向大家介紹一下好用及不要購買的眼線筆： 1. miss hana眼線膠筆： HK$46 Miss hana眼線筆係我的大愛！！無論黑色同啡色都已經用左幾支了~仲有一隻係閃粉顏色比較難係日常妝容用到，所以都無買黎用。價錢完全唔貴，無理由唔試啦掛！？ 首先依支眼線筆係極上色！只要輕輕畫上去都已經係好實色了~ 另外唔容易溶，我算係輕微油眼人，用左依支眼線筆通常可以keep到成日唔甩，户外日子都只係會輕微印左小小落眼肚~用手指輕輕一抹已經ok! 我係用依支黎畫內眼線的，眼尾就較難用到依支畫得靚啦！ 2. Maybelline hyper sharp liner $89 相信大家都聽過好多人讚，而我都係讚的~價錢唔貴，我通常都係趁萬零/屈臣氏特價先買，可以再慳多啲！ Hyper sharp line r黑色及啡色版的顏色都好實，唔會有任何半透明顏色的問題。所以用依支很快手，畫一畫已經搞掂！而且依支筆個頭好尖，畫眼尾一流！ 3. Dolly Wink啡色眼線液 around $100 Dolly Wink係上年在日本買的，實際價錢不記得了，但日本同香港的價其實差不多！ 其實依支幾抵用的，差不多每天用都用了半年！顏色都是十分之上色同自然！而且個筆頭都是屬於尖長類型，所以容易控制眼尾型狀。 4. BCL browlash ex water strong liquid liner HK$8x 依支算是ok的眼線液，不算很實色，要多畫幾下就會出色一點~容易控制，要畫眼尾都無問題的！但畫完大概5小時左右，眼尾會消失左！不是溶了，是不見了！所以定時要補下妝，畫返條眼線的~ contact me: Email：karen.k_12@yahoo.com.hk FB : https://www.facebook.com/karenkbeautyworld http://www.theztyle.com/home.php?mod=space&uid=80384 https://blog.ulifestyle.com.hk/blogger/karenk/ http://blog.she.com/karenk/
