每日化妝最基本同一定要化粉底， 我一點都不喜歡用粉餅化底妝， 所以我所有底妝產品都是液狀， 之後再用碎粉定妝就完成:) 今次就評價我有既粉底液啦~ 1. IOPE粉底液 Hk$280 水潤度:8/10 遮瑕度:5/10 易推度:6/10 持久度:4/10 調色能力:7/10 相信好多人都見過依個牌子既粉底液，之前見好多韓劇女主角用，所以自己都買返盒黎用下:) 依盒用落感覺真係唔錯，首先用依盒真係可以好快化完底妝，趕時間用真係正！水潤程度都是中上，唔會起乾紋。而且都可以令到面色無咁黃同有小小光澤感！但都有缺點，就係持久度比夠差，好多時返工8小時後已經可以無晒~ 2. Anna Sui Liquid Foundation around$3xx 水潤度:4/10 遮瑕度:7/10 易推度:5/10 持久度:7/10 調色能力:7/10 依支係sogo thankful week一set咁買既，個時試上手感覺係十分良好，但返到屋企完全係另一回事~依支上面係有點乾，鼻位係有脫皮既狀況出現！而且有點難推，點都係有小小一達達既感覺！不過遮瑕力比較高，如果油性皮膚既人可以一試。 3. Chanel perfection lumiere 水潤度:9/10 遮瑕度:7/10 易推度:8/10 持久度:6/10 調色能力:7/10 依支真係極推介！！！之前係chanel買野就問sales拎sample黎試下，點知一試愛上！首先好易推，推幾下已經好ok!而且好水潤，所以好貼面，任何浮粉同乾紋問題都無！而且遮瑕能力都ok，如果個日皮膚狀態好的話，直接用完唔搽遮瑕膏都無問題！唯一小缺點係持久度一般，大約5小時就要補一補妝~ 4. Hera cc cream HK$28/10samples 水潤度:7/10 遮瑕度:3/10 易推度:6/10 持久度:5/10 調色能力:6/10 係我用chanel前，我最鐘意係用Hera cc cream, 因為我比較鐘意用水潤程度高既粉底液！依支都係易推同唔顯紋，但有個cc cream通病，就係遮瑕力嚴重不足，所以瑕疵較多時就不要用了！ Contact me: Email:karen.k_12@yahoo.com.hk FB:http://www.facebook.com/karenbeautyworld https://blog.ulifestyle.com.hk/blogger/karenk/ http://karen12.theztyle.com
