~自購產品~ 鐘意買面膜的我， 成日去到唔同地方都買面膜黎試~ 所以做一個面膜系列， 同大家分享下我的面膜用後感！ CNP Laboratory 活能提亮D-Day面膜 $175/5片 會員9折-$157.5/5片 購自CNP Laboratory專櫃 一盒有5片，每片分step1同step2使用~依盒粉紅色係主要美白，仲有盒係藍色主要補水的！ 價錢: 算係中等價錢，$35一塊，如果係會員就會有9折(好似係買滿$800就可以做永久會員)，就$31.5一塊~比起其他專櫃就中下價錢，但對比開架產品就有點貴！ 可以見到精華份量適中，唔會話好多或好小，剛剛好可以搽完我的面❤ 方便程度: 依個就唔似平時用既面膜，一塊的用法係分step1同step2, 咁首先將step1既精華搽上塊面到，之後先將step2既面膜放上去~步驟多左，自然比較懶既日子都唔想用 面膜的厚度其實幾厚下，唔知係咪因為有前一個精華步驟，所以step2面膜唔係好濕，厚度加上唔係好濕之下，真係唔係十分貼面。 用後感: 依款面膜絕對係屬於夠清爽類型的面膜，用完唔會覺得塊面黏黏的~感覺都幾鎖水，但美白既效果不大(可能要用多幾次啦)！ 最大問題係step2面膜的精華不夠多同面膜太厚，不太貼面，同埋太厚都不要敷太久了~ Contact: Email:karen.k_12@yahoo.com.hk
