今日就介紹瑞士最知名朱古力店“Sprüngli “俾大家認識，佢亦都係一個百年歷史既朱古力品牌 - 佢嘅定位為奢華、精品朱古力品牌!!(據說以前，Sprüngli 係蘇黎世上流社會嘅女士們（貴婦）先去嘅地方。) 介紹翻... Zürich 呢間旗艦店超級大，有2層用餐區、戶外座位，仲有商品區. 講返野食先...就梗係要點同朱古力有關既甜品喇~” 朱古力泡芙” (CHF 5) 入口即融嘅泡芙加上濃郁香滑嘅朱古力，完全係無得輸^^ 另外，”Caramel Eclair “ (CHF 4.5) 焦糖味好香甜，甜度會有少少高，但又會令你忍唔住食完再食，幾之好正喇! . 有甜品又點可以少得咖啡呢~ 我個人最鐘意呢到嘅” Latte Macchiato” (CHF 5.5) 上台會見到層次分明，飲落香濃咖啡味配上幼滑鮮奶，唔錯架. PS: Sprüngli除左瑞士之外，目前海外分店只有杜拜設點，所以想食只能飛去瑞士喇:)
