Day 2 其實到慕尼黑就已經係第二日 落機因為朝早7點幾就落機，到市區先9點幾，幾乎去哂城市嘅景點。咁我就係搭s1火車大概一個鐘左右啦。 到咗慕尼黑第一件事當然係要搵到hostel，然後放低沉重嘅大紅先，好彩間hostel 好近火車站。 我就住wombats city hostel Munich 6人房（4晚$1032），呢間我覺得環境唔錯，間房仲有獨立廁所同沖涼，因為好多hostel果廁所係走廊出面要同埋其他房既人share ，真係都唔知要等到幾時先有廁所用。同埋佢果common area好正！我可以係度hea成日。 早餐就另外收費，我都買左兩日早餐因為真係吾知食乜好。仲有每一位住的客都會俾一張飛係for係佢果bar飲野，包一杯，你可以叫果汁/紅白酒/啤酒。缺點係無廚房，但有微波爐。 但我好認真講慕尼黑可以唔洗留咁耐，市區好多景點佢都係喺München Hbf附近（Hbf = 火車站）所以基本上用一日時間可以行得完，我蠢咗一開始就book咗四晚，然後第二日我去左國王湖 ，第三四日我已經係hostel hea 到肚餓再出去買野食。我唔係無去天鵝堡，只係因為之後會有一日stay係果邊嘅小鎮。 講返先咁放低行李之後我就去左搵野食，我既第一餐係火南站入面食咁咗個好似東南亞餐廳嘅雜菜飯都要成差唔多50蚊港紙，因為太想食飯，真係一舊肉都無。 食飽飽之後就搵下附近有咩景點，我跟住google map 行到去最熱鬧果條街卡爾門(Kalsplatz)，係火車站行過黎只需要10分鐘左右，咁就一個好大既噴水池見到就岩嫁喇！行入去全部都係林林種嘅既牌子，我一落機都無咩意慾要行街，然後見到好多餐廳俾人坐出黎，睇黎外國人都係鍾意坐戶外。 見到有教堂就入左去睇一睇係聖彌額爾教堂（St.Michael Kirche），咁因爲我自己無信仰所以就無太大感覺，只係覺得好宏偉同樓底好高，因為搭咗十幾個鐘頭真係好攰就係教堂坐咗陣。 再行前啲就係有不同嘅教堂，不同嘅鋪頭，另外一提就係H&M 佢都有幾間，分咗男裝女裝童裝，就係果種你行幾步就會見到，總有一間係你附近。行到新市政廳（Neues Rathaus ) ，好多人都企係度影相我都唔執輸。聽聞佢每逢11·12·17·21點就會有啲小木偶係鐘樓果度轉黎轉去。 之後再行前少少轉右就會見到個大大地嘅market ，咁都有幾多野買，有好多芝士，買生果、買花，買野食嘅鋪頭。 我買左個炸薯條魚柳咁嘅野黎試，買完先覺得有啲貴，好似都要成3.7歐，可能真係啱啱黎到啲錢我仲未轉換到，見到所有野都係幾蚊幾蚊咁就以為好平，其實仲未乘番果匯率呀大姐。 然後我坐下影下相行下就差唔多可以返hostel check in，番到去沖個涼就訓鬼咗 ，長途機真係十級攰！
