首先俾番少少資料大家先 交通： 香港> 德國慕尼黑munich - Etihad airways $4655 法國巴黎 Paris > 冰島雷克雅維克 Reykjavik - wow air 冰島雷克雅維克 Reykjavik > 英國倫敦 London - easyjet 兩程加埋 hkd$1644 （連20kg行李） 英國利物浦 Liverpool > 愛爾蘭都柏林 Dublin - Ryanair hkd$437 （連20kg 行李，本身應該無咁貴，但我當時禁錯時間，事後再講） Day 1 香港> 德國慕尼黑 我就搭中東三寶之一既etihad airways 。 Check in之前其實我望左一望航班資料，知道自己係一個叫阿布扎比嘅地方轉機，但我一埋到櫃臺又唔記得左果個轉機地方係咩，我就求其同個地勤哥哥講話去慕尼黑係杜拜轉機，拿我真係一直都以為果個係杜拜某一處 。 之後佢話嘩 好唔同嫁喎杜拜同阿布扎比?? ，okay 我見識少，我都覺得好柒，佢一定心諗呢個妹妹仔地方都未搞清楚學咩人去旅行。 另外一提，如果入德國個passpost最後一頁一定要簽名，地勤哥哥提我嘅。 呢間airline真係好抵讚！ 個位闊落坐到我都幾舒服，然後仲要每個位都有埋被、u形枕頭、牙刷牙膏同埋眼罩，我覺得好加分，始終你長途機落機可以刷個牙個人都舒服啲啦！中間我要係一個叫阿布扎比嘅地方轉機，我諗我呢一世如果唔係要轉機都唔會去呢個地方 。咁就等咗兩個幾鐘頭就搭去慕尼黑。 總共搭咗幾多個鐘頭我都唔係好知，因為時差嘅問題我真係唔識計。兩程機入面我總共食左五餐，真係比左好多野食，又幾好食嫁啵衰鬼 ，我記得有飯、杯面、麵包、仲有個香蕉pancake 做早餐！ 整體滿分係10分 我比9分！ 落到機刷完個牙，就要去入境，我最驚就係呢part，因為自己英文麻麻，我驚佢同我雞同鴨講，最後我都係同果個入境哥哥搞咗好耐，話說通常佢地都會問你黎幾耐幾時會返，中間會去咩地方咩國家，頂我好死唔死有啲國家既英文唔識讀 ，就淨係up咗啲我識讀既國家 咩iceland、uk、ireland 、switzerland 同埋france ，但佢又要我遂個遂個講留幾耐，後尾佢又計到我唔夠五十日，又問問問，好彩我醒起我寫低哂啲國家名，比咗佢睇再每個講番留幾耐，佢先大大力幫我整個印落我個passpost，有驚無險先入到境。 之後拎完行李就要搭火車去市區了，搞左一輪終於搵到火車，德國既火車地鐵站都係無閘口自出自入，我都係乖乖買車飛 ，搭去慕尼黑，望到窗外既景象真係好唔真實，我就咁隻身黎到歐洲，係自由嘅空氣。
