呢趟旅行其實都無話計劃左好耐，只係一直都想去歐洲，趁自己岩岩畢業未開踏入呢個社會之前先睇下到底呢個世界有幾大，我怕之後自己有錢無時間，同埋想散散心重新比個機會認識下自己。最後呢個更加為咗要圓係冰島睇極光嘅夢。 有日心血來潮禁機票見到德國入愛爾蘭出都係4600幾（其實應該有再平啲），然後就先斬後奏買左先同屋企人講，佢地第一個反應都係 「吓去咁耐？」五十日話短唔短話長唔長。雖然我都唔係一次自己去旅行，之前都係最多11日台灣，今次應該都嚇親兩老，呢個女點解可以咁夠膽？不過佢地知道阻唔到我，都係批准啦。買完機票之後基本上我無咩睇過歐洲既野，只係book咗第一站係德國慕尼黑既hostel，然後我都係瘋狂partime賺旅費。 今次我只係咩左個大背包（問朋友借的，果袋叫大紅）同一個小背包出發，第一次做背包客真係咩到想喊，不過後尾我漸漸習慣咗大紅嘅重量。 拍攝器材： canon 7D = 28MM 1.8F Gopro 5 iPhone 6 小腳架 好啦，講咗咁耐都未講我去咗邊啲國家 德國、瑞士、荷蘭、比利時、盧森堡、法國、冰島、英國、愛爾蘭 我主要都係窮遊，食野我都係無咩要求，住都係住hostel，純粹鐘意影相主要想睇風景 點擊圖片放大 +2 其實去冰島先係我最終目的，以前就已經好想去呢個地方，直到有次睇到有位絲打嘅在冰島看見了整個世界遊記，俾咗更加多動力我一定要去喇! 預告一下我有係冰島睇到極光! 係冰島睇到極光! 係冰島睇到極光! 好重要所以要講三次！冰島真係一個可以睇到全世界嘅地方!！
