今日一早又去番酒店附近的豫園商城/城隍廟小食街食早餐. 今朝食的係中價南翔小籠,可能好多人都知南翔小籠每一層賣的小籠包的價錢都唔同的,地下一層賣外賣的常常有好長的人龍, 今日都唔例外, 所以我地買唔到最平的, 於是上左一層,食中檔次的小籠 點擊圖片放大 話係中檔次, 但係都好好味wow, ￥20有16隻小籠包 (圖中得13隻大家唔好問點解喇)加埋蛋花湯埋單￥34,又平又正. 內部環境同服務就一般dd, 不過我地有好野食又無所謂呀.. 食飽飽之後我地就坐地鐵去陸家嘴站, 圍繞住陸家嘴站有好幾個展覽館, 同埋有東方明珠塔, 到左陸家嘴之後行唔同的景點都好方便架: 第一個要去的景點係:上海海洋水族館 日常營業時間: 9:00-18:00，售票及入館17:30结束 (大人: ￥160, 1.4m以下兒童: ￥110) 因為係暑假的原因, 水族館入面係非常非常多人, 當然少不免好嘈好嘈. 亦都因為人太多的原故, 館入面係得單程路可以行架, 即係話睇完一個區之後到再下一區, 之後係無得行番轉頭的. 展出的海洋生物都好多架, 不過人太多所以我地唔可以慢慢所賞, 有d可惜了: 人頭湧湧: 水族館入面的海底隧道, 其實真係好靚架: 點擊圖片放大 +2 過左水底隧道之後就要離開水族館喇, 我地心深不息咁又問下工作人員可唔可以行多一次, 原來係可以的, 只要keep住張飛, 再show一張今日之內喺水族館入面有自己樣的相就可以了, 安排都幾好wow. 不過我地怕人多, 再加上已經到午餐時間, 所以都係決定去醫肚喇 喺水族館旁邊的餐廳食野: 點擊圖片放大 一人一鍋, Good! Good! Good! 三個人食左3個鍋用左￥180咋. 火鍋之後再到下一個景點: 上海大自然野生昆蟲館 日常營業時間:周一到周四 上午9:00~~下午17:00 (大人: ￥60, 0.8m以上兒童: ￥40) 經過左尋日冰雕館, 月亮船同今日水族館的經驗, ￥60的入場卷咁平, 我未入去之前係好擔心呢個館係無野睇架. 仲要令仔Daddy有事要我獨自親子3小時, 好驚呢個館唔夠我地玩呢3小時. 我一入到去, 門口同售票處都比較簡陋, 然後見到一個不算太多的地方有一隻班海豹, 心入面越覺唔好, 再跟住見到: 一條獨木橋就到出口???!!!!! 呢個昆蟲館就係得眼見的木箱入面的動物???!!!!!既然都入左場, 唯有照玩, 小朋友最like餵魚仔, 魚糧係放喺扭蛋到架: D動物都好生猛wow: 一直行下行下, 原來頭先見到的出口唔係出口嚟架, 一轉彎仲有一邊展區架: 左面張相紅燈籠位置仲有樓梯落下一層, 原來呢到係好大架, 而且人又唔多, 呢到我地好鍾意呀. 右面張相大家見唔見到隻竹節蟲呢? 咁arm又到d動物開餐的時間, 比我地見到原來d大蜥蝪係食菜沙津架: 下面一層的地方好大, 我地睇左好耐: 仲有地方比小朋友整標本 (￥60): 整完標本仲有地方比小朋友落水捉魚,不過我咩都無準備到, 令仔仔就無得玩喇: 最後比大家睇下令人毛骨悚然的人面蟲標本: 差不多到黃昏喇, 係時候去下個景點: 東方明珠塔 我地買的係套票: 上球體+下球體+陳列館 + 旋轉餐廳晚餐 (大人: ￥318, 1.4m以下兒童: ￥159) 本來預左時間行一陣明珠塔入面的展館架, 不過長長的人龍等搭lift, 所以我地直接上旋轉餐廳了: 旋轉餐廳係喺上球體的, 所以可以望得好遠, 日景, 夜景都好靚: 遠望外灘: 今日好充實, 好攰,令仔仔仲要喺餐廳到訓著左, 所以食完飯我地就返酒店喇.
