今朝早餐喺酒店食. 都算多種類, 食物質素都唔錯架. 第一個地方去豫園 (大人: ￥30, 1.3m以下兒童免票): 明朝開始的一個有錢人花園, 好多亭台樓閣: 呢d有龍的裝飾好特別, 好少見: 我好欣賞呢d用石仔堆砌成, 在地面的畫: 本來打算坐地鐵去世博園區, 看看幾個仲存在的展區, 不過已經接近正午的太陽太猛, 都係坐的士, 慳d腳力 地鐵：豫園>老西門>八號線中华艺术宫站, 計程車:豫園到世博園區￥45 之前的中國館依家成左藝術館, 就係呢個喇: 中华艺术宫 呢個館係是免費入場架, 不過睇清明上河圖就要每位￥20; 入左去之後, 真係好多人呀, 咁多人的情況下我地實在無法睇畫, 不過清明上河圖真係好精彩, 好值得睇: 跟住就去沙特阿拉伯館, 依家叫做月亮船 (大人: ￥80, 1.3m以下兒童:免票 ): 除左呢個好靚, 好靚的4D影片之外同埋地下一個不能接近的水池之外, 其實館入面真係無咩野淨低, 所以￥80入場真係好費下架. 行完月亮船已經係一點有多喇, 我地一出展館就見到有架免費車去意大利館, 由於世博園區依家真係好荒蕪下, 咁難得有車我地就即刻上車, 諗住去到意大利館先食野. 點知, 原來意大利館係無野食架!!!!!咁我地就唯有買左兩條熔左的朱古力食, 不過令仔仔都係太辛苦喇, 令仔Daddy見到意大利館門口有白牌車, 於是就上車去番園區中心的一個商場食野. 好彩果度有間美式餐廳, pizza同炸雞都幾好食wow.. 跟住我地在園區的行程都係坐白牌車(每程￥15), 食飽飽後首先去冰雕館(大人: ￥80, 1.3m以下兒童: 免票): 點擊圖片放大 +2 入場要著的大衣係包埋架, 唔駛自己帶衫, 不過都真係好凍, 所以大衣的幫助唔算大架, 15分鐘左右就會開始凍到震架喇.仲有就係入面唔算太大, 只係我地之前未睇過冰雕所以一睇無防. 睇完冰雕再之後就去左巧克力開心樂園 (大人: ￥120, 1.4m以下兒童: ￥60): 入面所以野都係用朱古力同糖做成架, 睇下Transformer先: 仲有好多幾可亂真的展品: 點擊圖片放大 +2 最後仲要影埋3D相: 點擊圖片放大 +2 呢個巧克力館都幾適合小朋友架, 佢地都會好開心, 其實大人都開心架, 空氣入面有巧克力的味道,好sweet, 又無hard-sell的活動, 行得好舒服. 但不足的地方係互動的活動比較少, 所以重覆再去的機會唔大. 行完巧克力館, 我地都係坐番架白牌車, 去徐家匯食晚飯(￥60) 上海老站 地鐵：一號/九號線徐家匯站 地址: 徐匯區漕溪北路201號 電話: (86) 21-6427 2233 呢個上海老站食的食上海本幫菜, 除左大堂位之外入面仲有兩卡古老餐車, 由於早訂位的原因, 我地係坐喺餐車入面食架. 靚人配靚景: 點擊圖片放大 食物環境都好好呀, 價錢亦都唔算太貴. 推介.個咸雞非常好味tim呀, 不過太肚餓無影到相d食物就比我地清哂喇. 今日好攰喇, 食飽坐地鐵返酒店休息了.
