日期: 2013年8月24日至2013年8月27日 人物: 令仔Daddy, 令仔仔, 令媽媽 航班: 港龍 KA 804 (起飛: 10:55; 到達: 13:30) 住宿:上海豫园万丽酒店 地址: 黄浦区河南南路 159 号 · 上海, 上海 200010 酒店同豫園真係好近好近, 我地一家3口由酒店行到豫園步行街只係要10分鍾左右, 而地鐵站就正正喺酒店對面, 一個馬路就是了. 只係過一個站的南京東路站先係轉車大站. 所以南京東路站附近的酒店應該會較方便. 不過價錢方面又會再貴一d喇. 酒店大堂, 房間都好Grand, 又乾淨. 早餐以一般中國酒店來講都唔錯呢. 酒店大堂內外: 酒店房間: 同令仔仔試下坐磁浮+地鐵由機場去酒店 上海浦東國際機場 ==> 上海豫園萬麗酒店 上海浦東國際機場-->磁浮線-->轉地鐵(2號)龍陽路-->轉(10號)南京東路-->豫園 磁浮線來回(大人: ￥80, 1.3m以下兒童: 免票 ) 磁浮列車(好舒服又快, 5分鐘就已經加速到430km/h, 好勁呀): 點擊圖片放大 一出左磁浮線龍陽路站就見到地鐵(2號)線, 都好方便呀, 地鐵車廂同日本地鐵好似: 原先計劃在酒店settle之後就去豫園參觀架, 不過一家3口又太為食左d, 所以未入到豫園就掛住買野食, 城隍廟小食街d野食OK好食wow, 好過北京王府井食街好多, 就係咁掛住食就錯過左豫園的開放時間喇 於是就唯有坐地鐵直接去下一個景點: 南京步行街 我們無打算shopping, 所以只係簡單坐下小火車(每人每程￥5), 睇下d古老建築: 點擊圖片放大 +3 行完街街又到食晚飯的時候, 是日晚餐地點: 成隆行蟹王府 地址: 上海市黃浦區九江路216號A舖 電話: (86) 21-6321 2010 出發前book左南京步行街附近的成隆行蟹王府, 食蟹: 點擊圖片放大 +4 由於我地早訂位, 所以係有得住包廂架, 大閘蟹蒸好後可以叫服務員即時拆肉, 其他的野, 包括有蟹粉同無蟹粉的都好好味. 食飽飽就返酒店喇..再加多張酒店房外的夜景, 好靚:
