澳門博物館之旅 日期: 2012年12月28日至2012年12月30日 人物: 令仔Daddy, 令仔仔, 令媽媽 住宿: 澳門十六浦索菲特大酒店 Sofitel Macau at Ponte 16 地址：澳門內港巴素打爾古街 個人比較喜歡舊城區多d, 再加上係冬天, 新濠天地果邊無得玩人工沙灘, 所以今次揀的酒店係位於澳門半島的. 呢間酒店位置好好, 好近手信街同大三巴呢d地方. 酒店好新同好有氣派咁tim架. 呢間酒店仲有一間MJ (Michael Jackson) Gallery. 我唔係MJ的fans不過入面的展品都是值得一看架 酒店房巧豪華呢: 酒店提供的名牌用品, 好可惜我唔係咁識欣賞架 : Day 1 行程 航班: TurboJet (上船: 11:15; 到達: 12:20) 出發喇~~~~~~ 第一站: 澳門通訊博物館: 經過之前去京都信錯旅遊書的經驗, 今次買旅遊書時就買左呢本由朋友介紹的出版社的書. 不過一見到要在碼頭步行10分鐘. 都幾驚搵唔到架. 奈何一出碼頭見到處處人龍, 而且天氣都唔錯. 就放膽跟住書的指示行下啦... 由於周圍都無咩指示牌, 我地又搵唔到書上面的天橋, 唯有估估下咁, 見到天橋就行啦, 一過天橋我地就見到澳門水塘, 跟住見到對岸有座矮矮的建築物, 應該arm喇掛 我地就係咁沿水塘公園行下, 玩下: 點擊圖片放大 +2 跟住天書的指示, 我地見到呢個路口就轉上去: 出左呢個路口就會見到澳門通訊博物館的指示牌喇. 不過,再跟住的大概5分鐘左右路程有d難行, 因為條路係幾乎無行人路架 到左一個又有得睇, 又有得玩, 又多收穫的博物館了 : 點擊圖片放大 +6 見到呢d咁深的介紹展板 , 汗顏~~ 去通訊博物館有兩點要注意的: 1. 博物館入面係無儲物室的, 有Lockers不過都係中等Size果隻. 所以好似我地咁攞住大喼會有d唔方便 2. 博物館入面有汽水機, 不過無食物賣的, 而附近我地只係見到一間主要做外賣的小食店, 所以大家要食左野先去玩會好d 玩到5點我地都攰喇, 走人 不過可惜搵唔到巴士站, 又見唔到有的士, 所以最終就返回碼頭坐Shuttle Bus返酒店喇. 返到碼頭, 搵Shuttle Bus用左d時間, 排隊上車又排左半個鍾, 3個人全部散哂 當然啦, 上到酒店房見到咁靚我地又開心番哂喇, 酒店服務仲要係好好好好架 我地喺shuttle bus唔見野要麻煩禮賓部幫我地搵, 喺房又整爛野要麻煩Housekeeping, 又要攞多份牙刷同被比仔仔, 真係勁唔好意思呀! 返酒店settle左之後就要出去搵食喇, 今晚的目標係手信街附近的食堂(步程約5分鐘): 3個人餓到傻哂,未出發已鎖定左3間要幫襯的食堂 首先係祥記麵家: 點擊圖片放大 +2 食左海,金沙炸魚球, 豬手撈麵, 薑蔥灼魚皮同埋最出名的蝦子撈麵 ~$150 要注意的係全部食物都係細細碟的, 尤其係海浙. 落單時老闆都有提我地架, 不過我地諗住樣樣試下無所謂啦 我覺得海浙同蝦子撈麵都好好食, 我老公就like 薑蔥灼魚皮, 至於小朋友就梗係鍾意金沙炸魚球啦... Next station is三元粥品: 食左豬肉丸粥, 金銀丸(即牛丸+豬肉丸)粥,淨豬肉丸, 皮蛋子薑, 油條, ~$100 粥入面我地係有要求加蛋的, 所以睇起上嚟係黃色的, 咁樣粥底係會滑d架, 不過就要小心自己腸胃可唔可以接受到, 最意想不到的係d粥入面的丸已經有好多粒, 所以我地係叫得多左碟淨豬肉丸... 飽哂, 不過講左去3間唔去就唔好啦 ...再來, 保健牛奶公司: 買外賣返酒店夜d先食啦...
