今日終於唔駛6:30 Morning call喇...... 今朝一食完早餐, 就出發去品茶: 龍井問茶 呢個地方叫做梅家塢, 周圍都係茶樹嚟架: 明前龍井: 參加過旅行團的人都知, 呢道同早兩日的絲綢廠都係指定購物點, 其實用平常心去睇下聽下都無防, 買唔買我見依家都無咩人有特別壓力, 始終每個團每個購物點都有人會買野, 有人唔買, 出去旅行, 覺得買少少自己又開心咪買, 覺得係俾人搵笨就唔買law..不過咁arm我家的靚婆婆係愛好shopping嘅人.所以佢開心時我地都開心啦... 關於龍井, 我係好少飲架, 因為覺得飲完之後有悶悶的感覺, 應該係個胃唔like掛..咁果日飲左呢杯茶又的確無覺得唔舒服.就買左少少啦, 送下俾人同埋自己喺office飲下都好麻. (明前龍井: RMB 800 一斤) 呢度係食午餐的餐廳的外牆, 好有詩意呢: 午飯之後就出發去行程入面最後的一個景點: 位於蘇堤的花港觀魚. 去蘇堤的期間, 我地終於遇上長假的人潮和車龍喇.長橋都係密密麻麻的人, 車龍見唔到尾, 塞左半小時左右, 一團人最終決定都係要轉行程了. 導遊最終帶左我地去柳浪聞鶯公園: 好多柳樹, 一樣係好多人, 不過都總算係西湖邊, 景色都一樣係好靚架, 只係我地真係太急忙了, 導遊怕去機場的期間又會塞車, 只係俾左半小時的自由時間我地咋. 最後, 唔知好彩定唔好彩, 一團人大慨3點半左右已抵達杭州機場喇. 呆等到1910 先上機, 同杭州Bye Bye喇. 回程: KA637 (杭州起飛: 1910, 到達香港: 2125) 後記: 我同老公都好喜歡帶個仔周圍去, 10月1日香港發生嘅事令我好心痛, 久久不能釋懷. 亦都想到原來好多時人真係會好無助, 不幸的事唔知幾時會發生. "我地係唔係應該繼續周圍去玩呢?", 我問左自己好多次. 道理我明白, 答案亦都好清楚, 不過作為一個媽媽又始終係多d憂慮. 唯有調整下自己的心態之後先再去玩啦.
