蘇杭鴨仔團之旅 日期: 2012年9月29日至2012年10月2日 人物: 令仔Daddy x 2, 令仔仔 x 2, 令媽媽 x 2, 令女女 x 1, 令婆婆 x 1 (成家大細總動員, 跟下團做下鴨仔, 唔駛煩呢 ) DAY 1: 航班: 港龍 KA 620 (起飛: 12:25; 到達: 14:35) 一行8人10:30就到左機場報到喇, 有老有嫩仲要返內地旅行, 跟旅行團係會好D. 多左d安全感, 方便d, 到景點又有人講解, 只係少左d自由同多左d等候時間law.. 不過呢個團真係超爆: 第一, 觀潮; 第二, 到陽澄湖食大閘蟹; 第三, 中秋+國慶4天, 3個因數形成左一個成5X人的大團, 領隊都要兩個先可以招呼到咁多人呀... 當然, 一個無樂園, 無動物, 無沙灘的團, 可以想像係絕對唔arm小朋友架, 所以成個團都係得我家的三個小孩咋.... 至於佢地三個呢4日過成點? 睇哂就知啦... 雖然係坐港龍, 不過始終係國內航班, 坐細機同埋無得睇電視. 仲有就係旅行社沒有應我們要求訂兒童餐 好在港龍方面有最後都有為我們的小朋友送上兒童餐的禮物, 無所謂啦 (P.S. 份禮物非常非常靚架 ) 到達杭州之後的第一個行程就係去一個轉車站...唔係景點呀.... 因為個團由蘇州玩起, 所以我地一落機就要坐多2.5小時旅遊巴,中途就梗係要停下轉車站啦, 就係咁 一落車又到食飯時間了 一落車見到呢個: 見到"胥城"就即係到左蘇州喇...伍子胥同蘇州的關係大家要溫下中史就知架喇... 晚飯之後就去左今日的第一個亦係唯一一個的景點- 七里山塘 未落到古街之前以為又係果D"復修"到"金碧輝煌"的古蹟..望近D就有驚喜了: 點擊圖片放大 只係逗留的時間真係太少了, 匆匆的半小時其實好多景物我地都不能細看. 是有d可惜了.
