第一次寫BLOG 呢幾年每次去旅行之前都會上網爬文, 要多謝不知幾多個BLOG友嘅遊記. , 豐富左每次自由行嘅內容. 今次大阪之旅之後, 我都要開始寫..希望幫到有需要嘅人啦. 日期: 2012年8月1日 - 8月5日 人物: 令仔Daddy, 令仔仔, 令媽媽 Day 1 行程 Go Go Go 航班: CX506 (起飛: 10:05; 到達: 14:50) 南海電鐵 -> 空港急行/ラピ-トα 、β -> 南海難波站 住宿: HOTEL VISTA GRANDE OSAKA / ホテルビスタグランデ大阪 Address : 5-15, Soemon-cho, Chuo-ku, Osaka, Japan 542-0084 /大阪市中央区宗右衛門町 5-15 酒店位置非常非常好, 尤其對喜愛日本美食, 心齌橋shopping 嘅自由人尤其方便, 唯一唔好處就係呢間酒店喺紅燈區, 夜返時會見到男女PR喺街兩邊, 不過佢地唔會理d遊客架, 見到小朋友仲會避開, 路中仲有間派出所, 所以實際上係好安全, 只係心理上會有d驚姐... (Source: http://www.nankai.co.jp/global/chinese_t/sightseeing/namba/map.html ) 由機場坐南海電車到南海難波站(大人890Yen, 6歲以下free), 唔駛轉車, 非常抵, 同埋只係45 mins就到喇, 之後睇住呢個map返酒店, 行10 mins左右. 離開南海難波站之前到Information Center Namba 攞地圖, 之後幾日都係靠哂呢本地圖仔架.. 喺Information Center Namba 仲可以買埋大阪周遊卡, 如果多玩大阪景點嘅, 呢個係非常抵and方便的. 好喇, 一出南海難波站, 我地就見到人排隊買野食, 咁我地梗係排埋一份啦.. 點擊圖片放大 係老爺爺蛋糕, 3個為食人買左一個蛋糕再加3杯精緻甜品 (Total: 1150 Yen), 攞番酒店開餐.. 食左蛋糕之後就出去遊船河, 由酒店穿過激安堂就到喇.... 呢兩仔爺後面黃色鐵架果度就係激安堂, 係一間24小時營業嘅雜貨店, 咩都有得賣架.. 道頓堀水上觀光船(大人700Yen @, 6歲以下free) 晚餐喺道頓堀掃街, 食左蟹, 拉麵同炸串, 不過掛住食連相都無影呀.....返酒店之前仲喺樓下迷你超市買左個蜜瓜返酒店食.... 今晚早d訓, 明天要戰Universal Studio呀......
