今日正式開始行程喇... 今早喺酒店好快咁食左少少野記出發喇, 唔食咁飽住, 等住晏d食好野.. 第一站: 郵政博物館 (呢個唔算熱門旅遊點, 不過香港無麻, 所以帶d小朋友睇下) Address: 台北市重慶南路二段四十五號 交通: 捷運淡水線於「中正紀念堂」站的「南門市場」出口 Tel: ：(02) 2394-5185 點擊圖片放大 午餐: 鼎泰豐 (Total: NT$ 2,000) http://www.dintaifung.com.tw/ch/index.asp Address :忠孝東路四段218號 (自216巷進) 交通 : 捷運忠孝敦化站3號出口 (行3分鐘) 鼎泰豐有好多分店, 揀呢間純粹係因為就d景點, 不過無咩影相呀, 一來以前唔興餐餐影相, 二來果時未知要寫Blog麻.. 一行八人食飽飽之後去下一個景點喇 第二站: 國立國父紀念館 地址 : 台北市仁愛路四段505號 交通 : 捷運國立國父紀念館站 (自鼎泰豐行10分鐘) 開放時間 : 0900-1700 呢一站最主要係要睇士兵換更同步操...睇下又影下相又去下一站喇 第三站:BabyBoss職業體驗任意城 (HK$700 for 2 大 2 細) 地址 : 台北市松山區八德路四段138號 京華城 7 樓 交通: 捷運忠孝復興站→生活巴士→京華城 BabyBoss 嘅飛係之前上網訂的, 有8折, 不過入場時要出示passports先得架. 男子組去BabyBoss麻, 女子組就去左行街啦... BabyBoss 入面的 令仔仔 & 令仔仔 點擊圖片放大 +2 晚餐: 欣葉台菜 (NT$4,700) 營業時間：11：00～22：00 地址: 新光三越信義新天地 A9 館8樓 因為帶住咁多小朋友, 所以去唔唔到夜市喇, 咁試下呢間比較高級嘅台菜, 等大人細路都有得休息下啦. 全部野都好好味, 我地亦都試下台灣嘅"烏魚子", 不過可能我唔好食魚, 我自己就覺得有d 鮏
